சிரியாவின் 14 ஆண்டுகால மோதலின்போது இழைக்கப்பட்ட மனித குலத்திற்கு எதிரான குற்றங்கள் மற்றும் போர்க் குற்றங்களுக்காக, பதவியிழந்த சிரிய அதிபர் பாஷ் அல்-அசாத் மற்றும் அவரது இளைய சகோதரர் ஆகியோருக்குச் சிரிய நீதிமன்றம் செவ்வாய்க்கிழமை (11) மரண தண்டனை விதித்துத் தீர்ப்பளித்தது. இந்த மோதல்களால் சுமார் ஐந்து இலட்சம் மக்கள் உயிரிழந்தனர் என்பது குறிப்பிடத்தக்கது.
சிரியாவில் கிளர்ச்சி வெடிக்கக் காரணமான, தெற்கு மாகாணமான டாராவில் (Draa) ஒடுக்குமுறையை முன்னின்று நடத்தியதற்காக அசாத்தின் தாயின் வழி உறவுமுறை கசினான (மகன்) ஆதேப் நஜிபுக்கும் (Atef Najib) இதே வழக்கில் மரண தண்டனை விதிக்கப்பட்டது.
பலத்த பாதுகாப்புக்கு மத்தியில், கைதி சீருடை அணிந்தபடி கூண்டுக்குள் நின்றிருந்த நஜிப் முன்னிலையில் நீதிபதி தீர்ப்பை வாசித்தார்.
டிசம்பர் 2014-ல் கிளர்ச்சியாளர்கள் டமாசகஸைக் கைப்பற்றியதைத் தொடர்ந்து, அசாத்தும் அவரது சகோதரர் மாமரும் ரஷ்யாவிற்குத் தப்பிச் சென்றனர்.
பின்னர் நஜிப் கைது செய்யப்பட்டு, விசாரணையை எதிர்கொண்ட மிக உயர்ந்த பதவியில் உள்ள அதிகாரிகளில் ஒருவரானார்.
நஜிப், முன்னாள் சிரிய இராணுவப் பிரிகேடியர் ஜெனரல் ஆவார். இவர் 2011-ல் அசாத்தின் ஆட்சியின் கீழ் தெற்கு சிரியாவின் டாரா மாகாணத்தில் அரசியல் பாதுகாப்புப் பிரிவின் தலைவராகப் பணியாற்றினார்.
