நயாகரா பிராந்திய காவல்துறை சேவை வழங்குநர்கள் அடுத்த 9-1-1 (NG9-1-1) தலைமுறைக்கு மேம்படுத்த வேண்டும் என்பதற்கிணங்க, 9-1-1 தொழில்நுட்பத்தை புதுப்பித்து வருகிறது. இந்த மாற்றம் அரசின் அனைத்து நிலைகள், அவசர சேவை வழங்குநர்கள் மற்றும் தொலைத்தொடர்பு நிறுவனங்கள் இணைந்து செயல்படும் ஒரு கூட்டுத் திட்டமாகும் என நயாகரா பிராந்திய காவல்துறை தனது சமூக வலைத்தளத்தில் பதிவு செய்துள்ளது. இது ஒன்டாரியோ மாகாண அரசு வழங்கும் நிதியுதவியின் மூலம் செயல்படுத்தப்படுகிறது.
நயாகரா முழுவதும் உள்ள அவசர சேவைகள், இந்த மேம்பாட்டை அமல்படுத்த பல ஆண்டுகளாகச் செயல்பட்டு வருகின்றன. புதிய முறை 2026 மார்ச் 4 (இன்று) மாற்றத் திட்டமிட்டுள்ளது. St. Catharines Fire Services மற்றும் Niagara Parks Police Service ஆகியவை இதே நேரத்தில் மாற்றம் பெறும். இதனால், அந்தப் பகுதியில் உள்ள ஆறு பொது பாதுகாப்பு பதிலளிப்பு மையங்களில் (PSAPs) மூன்று மையங்கள் NG9-1-1 முறையில் இயங்கத் தொடங்கும்.
இந்த புதிய முறை செயல்படுத்தப்பட்டதும், நயாகராவின் 9-1-1 அழைப்பு மையங்கள் நவீனமயமாக்கப்பட்டு, அதிக தகவல் தரவுகளைப் பெறுவதன் மூலம் பொதுப் பாதுகாப்பு மேம்படும். மேலும், குடியிருப்பாளர்கள் மற்றும் பார்வையாளர்களிடமிருந்து வரும் அழைப்புகளுக்கு விரைவாகவும் திறம்படவும் பதிலளிக்கும் திறன் உயர்த்தப்படும். எதிர்காலத்தில் கிடைக்கக்கூடிய கூடுதல் சேவைகளை இணைக்கும் வகையிலும் நயாகரா பிராந்திய காவல்துறை தயார் நிலையில் இருக்கும் எனவும் தெரிவிக்கப்பட்டுள்ளது.
