யாழ்ப்பாணம்:

தமிழினம் இறைவனாக மதித்துப் போற்றும் திலீபனை வைத்து அரசியல் செய்வதை நிறுத்திக் கொள்ள வேண்டும் என சமூகச் செயற்பாட்டாளர் ந. பொன்ராசா வேண்டுகோள் விடுத்துள்ளார்.

தமிழரசுக் கட்சி மீது குற்றச்சாட்டு:

யாழ்ப்பாணம் நல்லூரில் அமைக்கப்பட்டிருந்த திலீபனின் உருவச்சிலை பொலிஸாரால் அகற்றப்பட்ட விவகாரத்தில், தமிழரசுக் கட்சிக்குத் தொடர்பிருப்பதாகத் தமிழ்த் தேசிய மக்கள் முன்னணி (TNPF) தொடர்ந்து குற்றம் சாட்டி வருகின்றது. இது தொடர்பில் கருத்துத் தெரிவித்துள்ள வலிகாமம் மேற்குப் பிரதேச சபையின் முன்னாள் உறுப்பினர் ந. பொன்ராசா, சிலை அகற்றிய விவகாரத்தில் தமிழ்க் கட்சிகள் தங்களுக்குள் முட்டி மோதுவது வேதனைக்குரியது என்று குறிப்பிட்டுள்ளார்.

மாநகர முதல்வர் விளக்கம்:

இன்று மாலை யாழ் மாநகர முதல்வர் நடத்திய செய்தியாளர் சந்திப்பில், சிலை அகற்றும் விவகாரத்திற்கும் தமிழரசுக் கட்சிக்கும் எந்தத் தொடர்பும் இல்லை எனக் கூறியுள்ளார். மேலும், திலீபனின் சிலை வைப்பதற்குத் தற்காலிக அனுமதியே கோரப்பட்டதாகவும், அதற்கே மாநகர சபை அனுமதி வழங்கியிருந்ததாகவும் அவர் விளக்கமளித்துள்ளார்.

ந. பொன்ராசா கண்டனம்:

“சிலை அகற்றப்பட வேண்டும் எனச் சிங்களத் தரப்பும் சில தமிழினக் கோடரிக்காம்புகளும் ஒன்றுபட்டு நிற்கின்ற நிலையில், தமிழ்த் தேசியத் தரப்புகள் தங்களுக்குள் முட்டி மோதுவது ஆரோக்கியமானதல்ல. திலீபனின் தியாகத்தை அரசியல் சுயலாபங்களுக்காகப் பயன்படுத்தக் கூடாது\” என ந. பொன்ராசா கடுமையாக விமர்சித்துள்ளார்.

#Thileepan #Jaffna #Nallur #TNPF #ITAK #TamilPolitics #Ponrasa #BmNews #TamilNews #BreakingNews #TamilNewsLive