கொழும்பு:

இலங்கையில் தொடர்ந்து பெய்து வரும் கனமழையின் காரணமாக நாட்டின் 7 மாவட்டங்களுக்குத் தேசிய கட்டட ஆராய்ச்சி நிறுவனம் அவசர மண்சரிவு அபாய எச்சரிக்கையை விடுத்துள்ளது.

7 மாவட்டங்களுக்கு எச்சரிக்கை:

காலி, களுத்துறை, கண்டி, கேகாலை, மாத்தறை, நுவரெலியா மற்றும் இரத்தினபுரி ஆகிய ஏழு மாவட்டங்களுக்கு இந்த மண்சரிவு எச்சரிக்கை நேற்று (செப்.27) உத்தியோகபூர்வமாக விடுக்கப்பட்டுள்ளது. மலைப்பாங்கான மற்றும் சரிவான பகுதிகளில் வசிக்கும் மக்கள் மிகவும் அவதானமாகச் செயற்படுமாறு அறிவுறுத்தப்பட்டுள்ளனர்.

இரண்டாம் நிலை எச்சரிக்கை:

இதற்கமைய, காலி மாவட்டத்தின் நியகம, தவலம, நெலுவ மற்றும் நாகொட பிரதேச செயலகப் பிரிவுகளுக்கும், கேகாலை மாவட்டத்தில் தெரணியகல, யட்டியந்தோட்டை, மாவனல்லை, தெஹியோவிட்ட மற்றும் அரநாயக்க ஆகிய பிரதேச செயலாளர் பிரிவுகளுக்கும் இரண்டாம் நிலை மண்சரிவு எச்சரிக்கை விடுக்கப்பட்டுள்ளது.

முதலாம் நிலை எச்சரிக்கை:

கண்டி மாவட்டத்தில் மெடதும்பர, கங்காவட கோரளை, டோலுவ, உடபலாத உள்ளிட்ட பகுதிகளுக்கும், நுவரெலியா மாவட்டத்தில் தலவாக்கலை, நுவரெலியா, கொத்மலை வடக்கு, அம்பகமுவ ஆகிய இடங்களுக்கும் முதலாம் நிலை எச்சரிக்கை விடுக்கப்பட்டுள்ளது. தொடர்ந்து கனமழை பெய்து வருவதால் பாதிக்கப்பட்ட பகுதிகளில் வசிப்பவர்கள் விழிப்புடன் இருக்குமாறும், அவசரத் தேவைகளுக்கான முன்னெச்சரிக்கை நடவடிக்கைகளை மேற்கொள்ளுமாறும் பொதுமக்களுக்குக் கடுமையான அறிவுறுத்தல் வழங்கப்பட்டுள்ளது.

#SriLanka #LandslideWarning #NBRO #HeavyRain #WeatherUpdate #BmNews #TamilNews #BreakingNews #TamilNewsLive