சென்னை:
தமிழகத்தில் ஆட்சி அமைக்கத் தேவையான பெரும்பான்மை கிடைக்காமல் தமிழக வெற்றிக் கழகம் (தவெக) திணறி வரும் சூழலில், விடுதலைச் சிறுத்தைகள் கட்சித் தலைவர் தொல். திருமாவளவன் தனியார் தொலைக்காட்சிக்கு அளித்துள்ள பிரத்யேக பேட்டி அரசியல் வட்டாரத்தில் பெரும் விவாதத்தைக் கிளப்பியுள்ளது. தவெக தலைவர் விஜய் தன்னைத் தொலைபேசியில் அழைத்து ஆதரவு கோரியதை அவர் உறுதிப்படுத்தியுள்ளார்.
பேட்டியின் போது பேசிய திருமாவளவன், “தவெக தலைவர் விஜய் என்னைத் தொலைபேசியில் தொடர்பு கொண்டு ஆதரவு கேட்டது உண்மைதான். ஆனால், அமைச்சரவையில் இடம் வழங்குவது குறித்தோ அல்லது அதிகாரப் பகிர்வு குறித்தோ அவர் என்னிடம் பேசவில்லை. விஜய் நேரில் வந்துதான் ஆதரவு கேட்க வேண்டும் என்று நான் எதிர்பார்க்கவில்லை. இருப்பினும், தவெக-விற்கு ஆதரவு அளிப்பது என்பது எங்கள் கட்சியின் எதிர்கால அரசியல் நகர்வுகளைத் தீர்மானிக்கும் முக்கிய முடிவு. எனவே, இதில் அவசர கதியில் எந்த முடிவையும் எடுக்க முடியாது; நிதானமாகவே முடிவெடுப்போம்” என்று தெரிவித்துள்ளார். ஏற்கனவே காங்கிரஸ் 5 எம்.எல்.ஏ-க்களுடன் ஆதரவு தெரிவித்துள்ள நிலையில், விசிக-வின் 2 எம்.எல்.ஏ-க்களின் ஆதரவு விஜய்க்கு மிக முக்கியமானதாகக் கருதப்படுகிறது. ஆனால், ‘அவசரப்பட முடியாது’ என்ற திருமாவின் அறிவிப்பு, விஜய்யின் பதவியேற்பு கனவுக்கு மீண்டும் ஒரு முட்டுக்கட்டையாக மாறியுள்ளது.
#Thirumavalavan #Vijay #TVKSupport #VCK #BreakingNews #May7 #TamilNaduPolitics #ThanthiTVExclusive #PoliticalCrisis #ThalapathyVijay #VijayAsCM #MajorityTest #TNElectionResults2026 #StalinVsVijay #NewGovernmentTN #AllianceTalks #PuducherryResort #AssemblyUpdate #TamilNews #VijayMakkalIyakkam_“`
