சென்னை:

தவெக ஆட்சி குறித்துத் தான் விமர்சித்ததாகச் சமூக வலைதளங்களில் பரவி வரும் தகவல்களில் எந்த உண்மையும் இல்லை எனத் தவெக பரப்புரைச் செயலாளர் நாஞ்சில் சம்பத் விளக்கமளித்துள்ளார்.

வதந்திகளுக்கு முற்றுப்புள்ளி:

சமீபத்தில் நடைபெற்ற இடைத்தேர்தல் பிரசாரக் குழுப் பட்டியலில் நாஞ்சில் சம்பத்தின் பெயர் இடம்பெறாத நிலையில், அவர் தனது எக்ஸ் தளத்தில் ‘போனால் போகட்டும் போடா’ எனப் பதிவிட்டிருந்தார். இது அவர் கட்சியிலிருந்து விலகுவதாகச் சலசலப்பை ஏற்படுத்தியிருந்தது. இந்நிலையில், இது குறித்து வதந்திகள் பரப்புவதாகத் தெரிவித்து அவர் முற்றுப்புள்ளி வைத்துள்ளார்.

எக்ஸ் தளப் பதிவு:

இது குறித்து அவர் வெளியிட்டுள்ள பதிவில், \”உப்பைப் போல எளிமையான, தென்றலைப் போல மென்மையான, தமிழைப் போல உண்மையான தலைவர் தளபதி விஜய். தவெக ஆட்சி குறித்து நான் விமர்சனம் செய்ததாக இட்டுக்கட்டிய பொய்களை சிலர் பரப்பி வருகிறார்கள். அதில் எந்த உண்மையும் இல்லை. இந்த ஆட்சியின் மாட்சி குறித்து நான் தினமும் பதிவிட்டு வருகிறேன். இதை என் தலைமையும் அறியும்; என் மனமும் அறியும்,\” எனத் தெரிவித்துள்ளார்.

#NanchilSampath #TVKGovernment #CMVijay #TNPolitics #BmNews #TamilNews #BreakingNewsTN #TamilNaduNews #LatestNews #TamilNewsLive