சென்னை:
ஆவணி மாதத்தின் கடைசி சுபமுகூர்த்த தினமான இன்று (செப்டம்பர் 17), பத்திரப்பதிவு அலுவலகங்களில் அதிக அளவில் ஆவணப் பதிவுகள் நடைபெறும் என்பதால், பொதுமக்களின் வசதிக்காகக் கூடுதல் முன்பதிவு டோக்கன்களை ஒதுக்கீடு செய்து பதிவுத்துறை ஐ.ஜி. அருண் சுந்தர் தயாளன் உத்தரவிட்டுள்ளார்.
பொதுமக்களின் கோரிக்கையை ஏற்று செய்யப்பட்டுள்ள இந்தக் கூடுதல் டோக்கன் ஒதுக்கீட்டு விவரங்கள்:
-
ஒரு சார்பதிவாளர் உள்ள அலுவலகங்கள்: வழக்கமாக வழங்கப்படும் 100 டோக்கன்களுக்குப் பதிலாக இன்று 150 முன்பதிவு டோக்கன்கள் வழங்கப்படும்.
-
இரு சார்பதிவாளர்கள் உள்ள அலுவலகங்கள்: வழக்கமான 200 டோக்கன்களுக்குப் பதிலாக 300 டோக்கன்கள் ஒதுக்கீடு செய்யப்பட்டுள்ளன.
-
அதிகப் பதிவு நடைபெறும் 100 முக்கிய அலுவலகங்கள்: 100-க்குப் பதிலாக 150 சாதாரண முன்பதிவு டோக்கன்கள் வழங்கப்படும். மேலும், தட்கல் (Tatkal) முறையில் ஏற்கெனவே வழங்கப்படும் 12 டோக்கன்களுடன் கூடுதலாக 4 டோக்கன்கள் சேர்க்கப்பட்டு மொத்தம் 16 தட்கல் டோக்கன்கள் பொதுமக்கள் பயன்பாட்டிற்கு வழங்கப்படும்.
சுபமுகூர்த்த மற்றும் விசேஷ தினங்களில் ஆவணப் பதிவுக்காகக் காத்திருக்கும் மக்களின் சிரமத்தைக் குறைக்கும் வகையில் இந்த நடவடிக்கை எடுக்கப்பட்டுள்ளதாக அதிகாரப்பூர்வ அறிக்கையில் தெரிவிக்கப்பட்டுள்ளது.
Hashtags:
#SubRegistrarOffice #PropertyRegistration #SubhaMuhurtham #TNRegistrationDept #TamilNaduNews #BreakingNewsTamil
