சென்னை
சென்னை கிண்டியில் உள்ள தனியார் நட்சத்திர விடுதியில் காவிரி நீர், மேகதாது, மாஞ்சோலை விவகாரங்கள் மற்றும் தொடர்ச்சியான தமிழர் உரித்துப் பிரச்சினைகள் குறித்து அனைத்துக் கட்சி ஆலோசனைக் கூட்டம் நடைபெற்றது. புதிய தமிழகம் கட்சித் தலைவர் கிருஷ்ணசாமி, நாம் தமிழர் கட்சி ஒருங்கிணைப்பாளர் சீமான், தமிழக வாழ்வுரிமைக் கட்சித் தலைவர் வேல்முருகன், தனியரசு, திருமாறன் ஜி, பூவை ஜெகன் மூர்த்தி உள்ளிட்டோர் இந்தக் கூட்டத்தில் கலந்துகொண்டனர்.
“வாழ்க்கையே போராட்டமாகிவிட்டது” – சீமான் ஆதங்கம்:
கூட்டத்திற்குப் பின்னர் செய்தியாளர்களைச் சந்தித்துப் பேசிய சீமான், “தமிழ்நாடு மக்கள் எதிர்கொள்ளும் ஒவ்வொரு பிரச்சினைக்கும் நாம் தொடர்ச்சியாகக் களத்தில் நின்று போராடிக் கொண்டிருக்க வேண்டியுள்ளது. தொகுதி மறுவரையறை உட்பட ஒவ்வொன்றுக்கும் போராடிக் கொண்டிருந்தால் நம் வாழ்க்கையே போராட்டமாகத்தான் இருக்கும். மாஞ்சோலை மற்றும் மேகமலை பகுதிகளில் பல்லாயிரக்கணக்கான மக்கள் வாழ்ந்து வரும் நிலையில், அவர்களை ஆக்கிரமிப்பாளர்கள் எனக் கூறி அப்புறப்படுத்துவது எந்த வகையில் நியாயம்? மதுரை வைகை நதி தற்போது கழிவுநீர் கால்வாயாக மாறிவிட்டது. இதையெல்லாம் பார்க்கும்போது, சுதந்திர தினமே இன்று வெறும் சும்மா தினமாக மாறிவிட்டது,” என்று வேதனையுடன் தெரிவித்தார்.
“பல வீரப்பன்கள் உருவாவார்கள்” – வேல்முருகன் எச்சரிக்கை:
இக்கூட்டத்தில் பேசிய வேல்முருகன், கர்நாடக வனத்துறையினர் சாம்ராஜ்நகர் வனப்பகுதியில் 3 தமிழர்களைச் சுட்டுக்கொன்ற சம்பவத்திற்குக் கடும் கண்டனம் தெரிவித்தார். “மானை விட மனிதர்களின் உயிர் மலிவானதா? மூன்று பேரையும் மார்பில் சுட்டுக் படுகொலை செய்துள்ளனர். இது கர்நாடக அரசு திட்டமிட்டு நடத்திய படுகொலை. தமிழர்கள் கொல்லப்பட்ட விவகாரத்தில் தமிழக அரசு கள்ள மவுனம் காக்கிறது. உடனடியாகக் கொலை செய்த வனத்துறையினர் மீது கொலை வழக்குப்பதிவு செய்ய வேண்டும்; இல்லையென்றால், தமிழ்நாட்டில் நுழையும் கர்நாடக வனத்துறை வாகனங்களை முற்றுகையிட்டுப் போராட்டம் நடத்துவோம். இந்த விவகாரத்தில் உரிய நடவடிக்கை எடுக்கப்படாவிட்டால் பல வீரப்பன்கள் உருவாவார்கள்,” என்று அவர் ஆவேசமாக எச்சரித்தார்.
#Seeman #Velmurugan #AllPartyMeeting #KarnatakaForestShooting #Mancholai #Mekedatu #CauveryIssue #SeemanSpeech #VelmuruganWarning #TamilNaduNews #ChennaiNews #TNPolitics #ViralNewsTN #TrendingTN #LatestNewsTN #TNNewsUpdates
