ஏப்ரல் 29, 2026 – கேப் பிரெட்டன் ஹைலேண்ட்ஸ் தேசிய பூங்காவில் மாயமான 62 வயதுடைய ஆஸ்திரேலியப் பெண்ணைக் கண்டுபிடிப்பதற்கான தேடுதல் மற்றும் மீட்புப் பணிகள் முன்னெடுக்கப்பட்டுள்ளன.

பூங்காவில் நடைப்பயணம் (hiking) சென்றதாகக் கருதப்படும் ஒருவர் காணாமல் போயுள்ளதாக செவ்வாய்க்கிழமை காலை 9:30 மணியளவில் தங்களுக்குத் தகவல் கிடைத்ததாக ஆர்.சி.எம்.பி (RCMP) பொலிஸார் தெரிவித்தனர்.

குறித்த பெண் கடைசியாக ஏப்ரல் 15 ஆம் திகதி தனது குடும்பத்தினருடன் பேசியுள்ளார். அப்போது தான் நோவா ஸ்கோடியா (Nova Scotia) மாகாணத்திலுள்ள செடிகாம்ப் (Chéticamp) பகுதிக்குப் பயணம் செய்வதாக அவர் தெரிவித்துள்ளார். செவ்வாய்க்கிழமை அன்று, செடிகாம்ப் பகுதியில் உள்ள பூங்கா நுழைவாயிலுக்கு அருகிலுள்ள வாகனத் தரிப்பிடத்தில் அவர் வாடகைக்கு எடுத்த நிசான் சென்ட்ரா (Nissan Sentra) ரக வாகனம் கண்டெடுக்கப்பட்டது.

கனடா பூங்காக்கள் திணைக்களம் (Parks Canada), தரைவழித் தேடுதல் மற்றும் மீட்புக் குழு மற்றும் ஆர்.சி.எம்.பி வான்வழிச் சேவைகளின் உதவியுடன் தற்போது தேடுதல் பணிகள் நடைபெற்று வருகின்றன.

கனடா பூங்காக்கள் திணைக்களத்தின் தகவல்படி, கேப் பிரெட்டன் ஹைலேண்ட்ஸ் தேசிய பூங்காவானது 950 சதுர கிலோமீட்டர் பரப்பளவைக் கொண்டது. இது வடக்கு கேப் பிரெட்டனின் சுமார் 20 சதவீத நிலப்பரப்பை உள்ளடக்கியதுடன், இப்பூங்காவிற்குள் 26 நடைப்பயணப் பாதைகள் உள்ளன.