சென்னை:

“இளைஞர்களை தற்குறி என்று சொல்வதில் எனக்கு உடன்பாடு இல்லை; நமக்கு வாக்களித்தாலும் இல்லாவிட்டாலும் மக்கள் மதிக்கப்பட வேண்டியவர்கள்” என விசிக தலைவர் தொல். திருமாவளவன் தெரிவித்துள்ளார். சென்னையில் செய்தியாளர்களிடம் பேசிய அவர், அரசியல் புரிதல் உள்ள பல இளைஞர்கள் இன்றும் இருப்பதாகவும், அனைவரும் ஒரு நடிகருக்குப் பின்னால் செல்வதாகக் கட்டமைக்கப்படுவது தவறு என்றும் குறிப்பிட்டார்.

தேர்தலுக்குப் பிந்தைய கருத்துக்கணிப்புகள் குறித்துப் பேசிய அவர், வட இந்தியாவைச் சேர்ந்த வலதுசாரி சிந்தனை கொண்ட சில நிறுவனங்கள் திட்டமிட்டே விஜய்யின் தவெக வெற்றி பெறும் என வதந்திகளைப் பரப்புவதாகக் குற்றம்சாட்டினார். “விஜய்யை வைத்து ஒரு சூதாட்டக் கும்பல் மீடியா ஹைப் கொடுத்து வருகிறது; இது ஒரு பிட்டிங் (Betting) நடவடிக்கை” என்று சாடிய அவர், கள நிலவரப்படி திமுக கூட்டணி மகத்தான வெற்றி பெறும் என்றும், திமுக தனிப்பெரும்பான்மையுடன் ஆட்சி அமைக்கும் என்றும் உறுதியாகத் தெரிவித்தார். மேலும், விசிகவை திமுக கூட்டணியிலிருந்து பிரிக்க நினைக்கும் சிலரின் கனவு ஒருபோதும் பலிக்காது என்றும் திருமாவளவன் எச்சரித்தார்.

#Thirumavalavan #VCK #DMKAlliance #TNElection2026 #Vijay #TVK #YouthUprising #ElectionResults #May4 #TamilNaduPolitics #BreakingNews #SocialJustice #RespectVoters #PoliticalHype #May3 #CountingDay #DravidianPolitics #VCKStand #TamilNaduNews #VoterDignity_