எகிபஸிக்கோ’ (Ehipassiko) துறவிகளின் அமைதி ஊர்வலத்தைப் செய்தி சேகரிக்கச் சென்ற லேக் ஹவுஸ் (Lake House) ஊடகவியலாளர்கள் இருவரைத் தடுத்ததோடு, அவர்கள் மீது தாக்குதல் நடத்தி அச்சுறுத்தியதாக ஜனாதிபதியின் ஊடக ஆலோசகர் சந்தன சூரியபண்டார மீது இலங்கை உழைக்கும் ஊடகவியலாளர் சங்கம் (SLWJA) கடும் கண்டனம் தெரிவித்துள்ளது.
-
கடும் கண்டனம்: ஜனாதிபதி அநுர குமார திஸாநாயக்கவுக்கு அனுப்பியுள்ள கடிதத்தில், இந்தச் செயலை “காட்டுமிராண்டித்தனமான மற்றும் கொடூரமான நடத்தை” என அந்தச் சங்கம் வர்ணித்துள்ளது. இது அரசாங்கத்தின் ஊடகக் கொள்கையையே பிரதிபலிக்கிறது என்றும் சுட்டிக்காட்டப்பட்டுள்ளது.
-
ஜனாதிபதிக்கு கோரிக்கை: அரச அதிகாரத்தைப் பயன்படுத்தி ஊடகச் சுதந்திரத்தை நசுக்கும் இவ்வாறான தடியடிச் செயல்களை உடனடியாக நிறுத்துமாறும், ஊடகவியலாளர்கள் கௌரவத்துடன் கடமையாற்றக் கூடிய சூழலை உறுதிப்படுத்துமாறும் சங்கம் ஜனாதிபதியைக் கேட்டுக்கொண்டுள்ளது.
-
அடக்குமுறைக்கு எதிரான எச்சரிக்கை: பயங்கரவாதத் தடைச் சட்டம் மற்றும் ஒன்லைன் பாதுகாப்புச் சட்டம் (Online Safety Act) போன்ற கட்டுப்பாட்டுச் சட்டங்கள் மூலம் ஊடகங்களை ஒடுக்கும் ஒரு பரந்த திட்டத்தின் ஒரு பகுதியாகவே இந்தத் தாக்குதல் பார்க்கப்படுவதாக SLWJA குற்றம் சாட்டியுள்ளது.
-
அரசுக்கு அவப்பெயர்: ஊடகங்களையோ அல்லது ஊடகவியலாளர்களையோ ஒடுக்குவதை விடுத்து, அரசுக்கு அவப்பெயரை ஏற்படுத்தும் இவ்வாறான அதிகாரிகளைக் கட்டுப்படுத்த வேண்டும் என அந்தச் சங்கம் வலியுறுத்தியுள்ளது.
