சென்னை
தமிழ்நாடு சட்டப்பேரவையில் கொறடா உத்தரவை மீறி வாக்களித்த 21 அதிமுக எம்.எல்.ஏ-க்கள் மீதான தகுதிநீக்க நடவடிக்கையைக் கைவிட்ட சபாநாயகரின் உத்தரவு சட்டப்படி சரிதான் எனச் சென்னை உயர் நீதிமன்றம் இன்று அதிரடித் தீர்ப்பு வழங்கியுள்ளது.
நம்பிக்கை வாக்கெடுப்பும் எம்.எல்.ஏ-க்கள் முடிவும்:
கடந்த மே 13-ஆம் தேதி தவெக அரசு சட்டசபையில் நம்பிக்கை வாக்கெடுப்பு கோரிய போது, 25 அதிமுக எம்.எல்.ஏ-க்கள் கொறடா உத்தரவை மீறி அரசுக்கு ஆதரவாக வாக்களித்தனர். இதனால், அவர்கள் மீது தகுதிநீக்க நடவடிக்கை எடுக்கக் கோரி அதிமுக பொதுச்செயலாளர் எடப்பாடி பழனிசாமி சபாநாயகரிடம் மனு அளித்திருந்தார்.
இபிஎஸ் கடிதமும் சபாநாயகரின் உத்தரவும்:
இதற்கிடையே 4 எம்.எல்.ஏ-க்கள் ராஜினாமா செய்த நிலையில், மீதமுள்ள 21 எம்.எல்.ஏ-க்கள் கட்சித் தலைமையிடம் மன்னிப்புக் கோரினர். சட்டப்படி 15 நாட்களுக்குள் அவர்களை மன்னித்து, தகுதிநீக்க மனுவைத் திரும்பப் பெறுவதாக இபிஎஸ் சபாநாயகருக்குக் கடிதம் அளித்தார். இதனையேற்று, 21 பேர் மீதான தகுதிநீக்க நடவடிக்கைகளைச் சபாநாயகர் கைவிடுவதாக அறிவித்தார்.
சென்னை ஐகோர்ட்டின் அதிரடி தீர்ப்பு:
சபாநாயகரின் இந்த உத்தரவை ரத்து செய்யக் கோரி திருவள்ளூரைச் சேர்ந்த வழக்கறிஞர் பி.வி.செல்வகுமார் தொடர்ந்த வழக்கை விசாரித்த சென்னை உயர் நீதிமன்றம், சபாநாயகரின் நடவடிக்கை முற்றிலும் சரிதான் எனத் தீர்ப்பளித்துள்ளது. சட்டப்படி 15 நாட்களுக்குள் எம்.எல்.ஏ-க்கள் மன்னிக்கப்பட்டுவிட்டதால், தகுதிநீக்கம் என்ற கேள்வியே எழாது எனக் கூறி அந்த மனுவை நீதிமன்றம் தள்ளுபடி செய்து உத்தரவிட்டுள்ளது.
#MadrasHighCourt #AIADMK #EdappadiPalaniswami #EPS #TNAssembly #TVKGovernment #TNMLAs #TamilNaduNews #ChennaiNews #TNPolitics #ViralNewsTN #TrendingTN #LatestNewsTN #TNNewsUpdates
