சென்னை:

தமிழ்த் திரையுலகின் முன்னணி நடிகரான தனுஷ், ‘தமிழக எழுச்சிக் கழகம்’ (Thamizhaga Ezhuchi Kazhagam) என்ற பெயரில் புதிய அரசியல் கட்சியைத் தொடங்கவுள்ளதாகவும், இதற்காக இந்தியத் தேர்தல் ஆணையத்தில் அதிகாரப்பூர்வமாகப் பதிவு செய்துள்ளதாகவும் தகவல்கள் வெளியாகியுள்ளன.

தமிழக எழுச்சிக் கழகம்:

நடிகர் விஜய் அரசியலில் களமிறங்கி முதலமைச்சராக அரியணை ஏறியுள்ள நிலையில், தற்போது மற்றொரு முன்னணி நடிகரான தனுஷின் இந்த அரசியல் பிரவேசம் தமிழக அரசியலில் பெரும் எதிர்பார்ப்பையும் பரபரப்பையும் ஏற்படுத்தியுள்ளது. ‘தமிழக எழுச்சிக் கழகம்’ எனத் தனது கட்சிக்குப் பெயர் சூட்டியுள்ள அவர், அதனைத் தேர்தல் கமிஷனில் பதிவு செய்துள்ளார்.

ரசிகர் மன்றங்கள் சீரமைப்பு:

சமீபகாலமாகத் தனது ரசிகர் மன்றங்களை அரசியல் கட்சிக்கு நிகராகச் சீரமைத்து வரும் தனுஷ், மாவட்ட ரீதியாக மன்றங்களைப் பிரித்து, புதிய மாவட்டத் தலைவர்களை நியமித்தார். அத்துடன், தொகுதி வாரியாக உறுப்பினர் சேர்க்கையையும் தீவிரமாக மேற்கொண்டு வந்தார். அரசியல் கட்சி தொடங்குவதற்கான அடிப்படைப் பணிகளையே அவர் இவ்வாறு செய்து வந்ததாகக் கூறப்பட்டது.

விரைவில் அதிகாரப்பூர்வ அறிவிப்பு:

இதற்கிடையே, தனுஷ் கட்சி தொடங்கவிருப்பதை உறுதி செய்யும் விதமாக அவரது நற்பணி மன்றம் சார்பில் அண்மையில் வெளியான அறிக்கை ஒன்றும் சமூக வலைத்தளங்களில் வைரலானது. இந்நிலையில், தேர்தல் ஆணையத்தில் கட்சி பதிவு செய்யப்பட்டுள்ள தகவல் தற்போது கசிந்துள்ளது. அதன்படி, விரைவில் தனுஷ் தனது கட்சியின் பெயர், கொடி, கொள்கைகள் மற்றும் கோட்பாடுகள் குறித்த அதிகாரப்பூர்வ அறிவிப்பைப் பொதுவெளியில் வெளியிடுவார் என எதிர்பார்க்கப்படுகிறது.

திரையுலகிலும் பிசி:

தற்போது பல்வேறு திரைப்படங்களில் பிசியாக நடித்து வரும் தனுஷ், தற்போதைய அரசியல் சூழலில் கட்சி தொடங்குவது தமிழக அரசியல் மற்றும் திரையுலக வட்டாரங்களில் பேசுபொருளாகியுள்ளது. விஜய்யின் வழியில் தனுஷும் நேரடி அரசியலில் சாதிப்பாரா என்பதைப் பொறுத்திருந்துதான் பார்க்க வேண்டும்.

#ActorDhanush #ThamizhagaEzhuchiKazhagam #TNPolitics #DhanushPoliticalEntry #ElectionCommission #BmNews #TamilNews #BreakingNewsTN #TamilNaduNews #LatestNews #TamilNewsLive