எரிபொருள், நிலக்கரி மற்றும் உரத்தைக் கொள்வனவு செய்வதற்காக ரஷ்யாவுடன் உறவுகளை வலுப்படுத்த அரசாங்கம் முயற்சித்து வருகின்றது.
ரஷ்யா மீது அமெரிக்கா விதித்துள்ள தடைகளிலிருந்து விலக்கு (Waiver) அளிக்குமாறு இலங்கை கோரிக்கை விடுத்துள்ளது. இரண்டு வாரங்களுக்கு முன்பு இலங்கைக்கு வருகை தந்த அமெரிக்க விசேட தூதர் செர்ஜியோ கோர் (Sergio Gor) அவர்களிடம் இக்கோரிக்கை முன்வைக்கப்பட்டது.
தற்போதைய நிலை: மார்ச் மாதம் அமெரிக்க அதிபர் டொனால்ட் ட்ரம்ப் வழங்கிய 30 நாள் சலுகை ஏப்ரல் 11-டன் முடிவடைகிறது. குறைந்தது மூன்று மாத கால விலக்கு கிடைத்தால் மட்டுமே ரஷ்யாவுடன் ஒப்பந்தங்களை முன்னெடுக்க முடியும் என அரசாங்கத் தரப்பு தெரிவித்துள்ளது.
எரிசக்தி பாதுகாப்பை உறுதிப்படுத்தும் நோக்கில், வெளிநாட்டு அலுவல்கள் அமைச்சர் விஜித ஹேரத் அடுத்த மாதம் ரஷ்யாவிற்குப் பயணம் மேற்கொள்ளவுள்ளார். அங்கு எரிபொருள், நிலக்கரி மற்றும் உரம் பெறுவது தொடர்பாக அரசுகளுக்கிடையிலான (G2G) ஒப்பந்தங்கள் குறித்துப் பேச்சுவார்த்தை நடத்தப்படவுள்ளது.
