மதுரை:
சிவகாசியின் முதல் பெண் சட்டமன்ற உறுப்பினரும், தமிழக அமைச்சருமான கீர்த்தனா, மதுரையில் இன்று செய்தியாளர்களைச் சந்தித்தார். அப்போது, சிவகாசி தொகுதியின் வளர்ச்சி மற்றும் பட்டாசுத் தொழில் பாதுகாப்பு குறித்துப் பல்வேறு முக்கிய அறிவிப்புகளை அவர் வெளியிட்டார்.
அமைச்சர் கீர்த்தனா பேசுகையில், “சிவகாசியின் முதல் பெண் எம்.எல்.ஏ என்பதை விட, சிறந்த எம்.எல்.ஏ என்ற பெயரை எடுப்பதே எனது இலக்கு. கடந்த ஐந்து ஆண்டுகளாகச் சிவகாசி எம்.எல்.ஏ அலுவலகம் எங்கே இருக்கிறது என்றே தெரியாத நிலை இருந்தது. நீதிமன்றம் அருகில் உள்ள அந்த அலுவலகத்தைப் பூட்டியே வைத்திருந்தார்கள். தற்போது அதனைச் சுத்தம் செய்து மக்கள் பயன்பாட்டிற்குத் தயார்படுத்தியுள்ளோம். இனி அந்த அலுவலகம் 24 மணி நேரமும் மக்கள் பணிக்காகத் திறந்திருக்கும்” எனத் தெரிவித்தார்.
தொடர்ந்து சிவகாசி பட்டாசுத் தொழில் குறித்துப் பேசிய அவர், “பட்டாசு ஆலை வெடி விபத்துகளைத் தடுக்கத் தேர்தல் வாக்குறுதியில் அளித்தபடி ஆய்வுக் குழு அமைக்கப்படும். இதில் நிபுணர்கள், ஆலை உரிமையாளர்கள் மற்றும் தொழிலாளர்கள் இடம்பெறுவார்கள். அனைவரும் இணைந்து விபத்தில்லா சிவகாசியை உருவாக்குவோம். சட்டமன்றப் பதவியேற்பின் போது சான்றிதழ் கொண்டு செல்லவில்லை எனப் பரவிய தகவல்கள் தவறானவை” என்றும் விளக்கமளித்தார். தமிழக அமைச்சரவையில் இளம் அமைச்சராகப் பொறுப்பேற்றுள்ள கீர்த்தனாவின் இந்தச் செயல்வீரம் சிவகாசி மக்களிடையே நம்பிக்கையை ஏற்படுத்தியுள்ளது.
#Keerthana #SivakasiMLA #MinisterKeerthana #VijayAsCM #TVK_Government #BreakingNews #May15 #FirecrackerSafety #SivakasiUpdate #NewGovernmentTN #WomenInPolitics #ThalapathyVijay #PublicService #TamilNaduPolitics #SivakasiCracker #AdministrativeReform #TamilNews #VijayMakkalIyakkam #FortStGeorge #CM_Vijay_Official_“`
