கிரேட்டர் சட்பரி (Greater Sudbury) பகுதியில் பல பிடியாணைகளின் கீழ் தேடப்பட்டு வரும் ஒருவரைக் கண்டுபிடிக்க பொலிஸார் பொதுமக்களின் உதவியைக் கோரியுள்ளனர்.
கிரேட்டர் சட்பரி பொலிஸ் சேவையின் தகவல்படி, 43 வயதான மெத்யூ பிரான்சிஸ் (Matthew Francis) என்பவர் இரண்டு பிடியாணைகளின் கீழ் தேடப்பட்டு வருகிறார்.
இவர் மீது குற்றவியல் சட்டத்தின் கீழ் பாலியல் வன்புணர்வு, கொலை மிரட்டல் அல்லது உடல் ரீதியான பாதிப்பை ஏற்படுத்தும் வகையில் அச்சுறுத்தல் மற்றும் தொடர்ச்சியான துன்புறுத்தல் (Criminal harassment) உள்ளிட்ட பல குற்றச்சாட்டுகள் சுமத்தப்பட்டுள்ளன.
விசாரணையாளர்கள் அவரைத் தேடும் முயற்சிகள் இதுவரை பலனளிக்கவில்லை என்றும், அவர் பொலிஸாரிடம் சிக்காமல் தப்பித்து வருவதாகவும் தெரிவித்துள்ளனர். மேலும், இச்சம்பவங்களுடன் தொடர்புடைய நபர்கள் ஒருவருக்கொருவர் அறிமுகமில்லாதவர்கள் என்பதால், இது பொதுமக்களின் பாதுகாப்பிற்கு அச்சுறுத்தலாக அமையலாம் என அதிகாரிகள் கவலை வெளியிட்டுள்ளனர்.
இந்த வழக்கின் நுணுக்கமான தன்மை காரணமாக, மேலதிக விபரங்கள் எவையும் வெளியிடப்படவில்லை. இவரைப் பற்றிய தகவல் தெரிந்தவர்கள் 705-675-9171 என்ற இலக்கத்தின் ஊடாக பொலிஸாரைத் தொடர்பு கொள்ளுமாறு கேட்டுக்கொள்ளப்படுகிறார்கள்.
