ஒன்ராறியோ முதல்வர் டக் பேர்ட் தனது எட்டாவது பட்ஜெட்டை முன்வைக்கும் முன், மாகாணத்தின் மருத்துவமனைகள் விரைவில் ஒரு பில்லியன் டொலர் அளவிலான கட்டமைப்பு நிதிக் குறைபாட்டை எதிர்கொள்ள நேரிடும் என்று எச்சரிக்கை விடுக்கப்பட்டிருக்கும் நிலையில், தனது அரசின் சுகாதாரப் பதிவை அவர் வெளியிட்டுள்ளார்.
கடந்த சில வாரங்களாக, “ஹால்வே ஹெல்த் கேர்” போன்ற பிரச்சினைகளை சமாளிக்க மாகாணத்தின் மருத்துவமனை அமைப்புக்கு போதுமான நிதி வழங்கப்படவில்லை என்ற விமர்சனங்களை ஒன்ராறியோ மாகாணத்தின் முதல்வர் தொடர்ந்து மறுத்து வருகிறார் என செய்திகள் வெளியாகியுள்ளன. அதே நேரத்தில், ஒன்ராறியோ மாநிலத்தின் மருத்துவமனைகளை பிரதிநிதித்துவப்படுத்தும் சங்கம், நிதி பற்றிய நிச்சயமின்மை கடுமையான நிதிசார் அழுத்தத்தை ஏற்படுத்துகிறது என்று எச்சரிக்கையும் விடுக்கபட்டுள்ளது.
2018 ஆம் ஆண்டு தேர்தலில் வெற்றி பெற்றபோது மருத்துவமனைகளில் “ஹால்வே ஹெல்த் கேர்” பிரச்சினையை முடிவுக்குக் கொண்டு வருவதாக வாக்குறுதி அளித்த முதல்வர் டக் பேர்ட் அதன்பின் மாகாணத்தின் மக்கள் தொகை அதிகரித்ததால் இந்தப் பிரச்சினை மேலும் தீவிரமடைந்துள்ளதாக கூறுகிறார்.
ஒன்டாரியோ பட்ஜெட் விரைவில் தாக்கல் செய்யப்படும் என்ற எதிர்பார்ப்பும் தற்போது நிலவுகின்றது.
ஆனால் ஒன்டாரியோ அரசு தனது 2026 பட்ஜெட்டை எப்போது தாக்கல் செய்யும் என்று இன்னும் அறிவிக்கவில்லை. ஆனால் மார்ச் 23 அன்று வசந்த கால அமர்வுக்காக சட்டமன்றம் மீண்டும் கூடுவதற்குப் பிறகு, இந்த மாத இறுதிக்குள் அது தாக்கல் செய்யப்படலாம் என்று எதிர்பார்க்கப்படுகிறது என செய்திகள் தெரிவிக்கின்றன.
