நள்ளிரவில் ஈஸ்ட் யார்க் (East York) வீட்டிற்குள் அத்துமீறி நுழைந்ததாகக் கூறப்படும் நபர் ஒருவரின் புகைப்படங்களை டொராண்டோ காவல்துறை வெளியிட்டுள்ளது.
திங்கட்கிழமை காலை வெளியிடப்பட்ட செய்திக்குறிப்பு ஒன்றில், புலனாய்வாளர்கள் கூறுகையில், சந்தேக நபர் ஜூன் 28 அன்று அதிகாலை 3 மணிக்கு சற்று முன்னதாக ‘காஸ்பர்ன் மற்றும் காக்ஸ்வெல்’ (Cosburn and Coxwell avenues) சந்திப்பில் அமைந்துள்ள வீட்டிற்குள் நுழைந்துள்ளார்.
வீட்டிற்குள் நுழைந்த சந்தேக நபரை வீட்டின் உரிமையாளர் நேருக்கு நேர் எதிர்கொண்டதை அடுத்து, அவர் அந்த வீட்டிலிருந்து தப்பியோடியுள்ளார் என காவல்துறை தெரிவித்துள்ளது.
சந்தேக நபர் 20 மதிக்கத்தக்க வயதுடையவர் என்றும், 6 அடி 2 அங்குலம் உயரமும், நடுத்தர உடல்வாக்கும், குட்டையான பழுப்பு நிற முடியும் கொண்டவர் என்றும் காவல்துறை விபரித்துள்ளது. அவர் சிவப்பு நிற நீண்ட கை சட்டையும் (Long-sleeve shirt), சாம்பல் நிற “பூமா” (Puma) டிராக் பேண்ட்டும் (Sweatpants) அணிந்திருந்தார்.
இந்த அத்துமீறல் சம்பவம் குறித்து ஏதேனும் தகவல் தெரிந்தால், பொதுமக்கள் 416-808-5500 என்ற எண்ணில் காவல்துறையையோ அல்லது ‘க்ரைம் ஸ்டாப்பர்ஸ்’ (Crime Stoppers) அமைப்பையோ அநாமதேயமாகத் தொடர்பு கொள்ளுமாறு புலனாய்வாளர்கள் கேட்டுக்கொண்டுள்ளனர்.
