ஈழத் தமிழர்களுக்கு நீதி கோரி, பிரித்தானியாவின் லண்டனிலிருந்து இந்தியா வரை முன்னெடுக்கப்படவுள்ள மனிதநேய நடைப்பயணத்தின் ஆரம்ப நிகழ்வு யாழ்ப்பாணம் நல்லூரில் அமைந்துள்ள தியாக தீபம் திலீபனின் நினைவிடத்தில் நடைபெற்றது.
இறுதி யுத்தத்தில் உயிரிழந்த மக்களுக்கு சர்வதேச நீதி கிடைக்க வேண்டும், வலிந்து காணாமல் ஆக்கப்பட்டவர்களுக்கு பொறுப்புக்கூறலுடன் கூடிய நீதி நிலைநாட்டப்பட வேண்டும், மனிதப் புதைகுழிகள் தொடர்பில் பொறுப்பான விசாரணைகள் முன்னெடுக்கப்பட்டு உண்மை வெளிக்கொணரப்பட வேண்டும் உள்ளிட்ட கோரிக்கைகளை முன்வைத்து இந்த நடைப்பயணம் முன்னெடுக்கப்படவுள்ளது.
புலம்பெயர் தமிழ் உணர்வாளரான சிவசுப்பிரமணியம் லோகேஸ்வரன் தனிப்பட்ட முயற்சியாக முன்னெடுக்கும் இந்த நடைப்பயணம், லண்டனில் நெல்சன் மண்டேலாவின் சிலையிலிருந்து இந்தியாவில் மகாத்மா காந்தியின் சிலை வரை இடம்பெறவுள்ளதாக தெரிவிக்கப்பட்டுள்ளது.
