சென்னை
தமிழ்நாடு சட்டப்பேரவையில் மானியக் கோரிக்கை மீதான விவாதங்கள் தொடர்ந்து நடைபெற்று வரும் நிலையில், முதலமைச்சர் விஜய் இன்று விதி எண் 110-ன் கீழ் பொதுமக்களுக்குப் பயன்தரும் பல்வேறு முக்கிய அறிவிப்புகளை அதிரடியாக வெளியிட்டுள்ளார்.
முதலமைச்சர் வெளியிட்ட அறிவிப்பின் முக்கிய அம்சங்கள்:
‘அன்னபூரணி சூப்பர் 6’ திட்டம் – 3 சிலிண்டர்கள் இலவசம்:
-
போர்ச் சூழல் காரணமாக எரிவாயு சிலிண்டர் விலை உயர்ந்துள்ளதால், பொதுமக்களின் நிதிச்சுமையைக் குறைக்கும் வகையில் ‘அன்னபூரணி சூப்பர் 6’ திட்டம் வரும் பொங்கல் பண்டிகை முதல் செயல்படுத்தப்படும்.
-
இத்திட்டத்தின் முதற்கட்டமாக, ஆண்டுக்கு ரூ.2.50 லட்சம் வரை வருமானம் பெறும் குடும்பங்களுக்கு ஆண்டுக்கு 3 சிலிண்டர்கள் விலையில்லாமல் வழங்கப்படும்.
-
இதற்காக ஆண்டுக்கு ரூ.4,000 கோடி நிதி ஒதுக்கப்படும். எரிவாயு சிலிண்டருக்கான முழுத் தொகையும் பயனாளிகளின் வங்கிக் கணக்கில் நேரடியாக வரவு வைக்கப்படும்.
பரந்தூர் புதிய விமான நிலையத் திட்டம் ரத்து:
-
பரந்தூர் விமான நிலையம் அமைக்கக் கூடாது எனப் போராடி வரும் விவசாயிகளுக்குத் தமது முழுமையான ஆதரவைத் தெரிவிப்பதாக முதலமைச்சர் குறிப்பிட்டார்.
-
கடந்த அக்டோபர் 2024-ல் விக்கிரவாண்டியில் நடைபெற்ற பொதுக்கூட்டத்தில் தான் அளித்த வாக்குறுதியின்படி, பரந்தூரில் புதிய விமான நிலையம் அமைக்கும் நடவடிக்கையை இந்த அரசு முழுமையாகக் கைவிடுகிறது.
-
குறைவான விவசாய நிலங்கள் பாதிக்கப்படும் வகையிலும், மக்களின் வாழ்வாதாரம் பாதிக்கப்படாத வகையிலும் புதிய விமான நிலையம் அமைக்க மாற்று இடங்கள் தேர்வு செய்யப்பட்டுள்ளன. மேலும், சென்னை மீனம்பாக்கம் விமான நிலையத்தை விரிவாக்கம் செய்யவும் உரிய நடவடிக்கைகள் எடுக்கப்படும்.
மகளிருக்கு ‘வெற்றிப் பயணம்’ திட்டம்:
-
மகளிருக்கான கட்டணமில்லாப் பேருந்து பயணத் திட்டம், ‘வெற்றிப் பயணம்’ என்ற பெயரில் காந்தி ஜெயந்தியான அக்டோபர் 2-ஆம் தேதி முதல் மேலும் விரிவுபடுத்தப்படும்.
-
முதற்கட்டமாக மாநகரம் மற்றும் நகரப் பகுதிகளில் இயங்கும் எக்ஸ்பிரஸ் (Express), எல்.எஸ்.எஸ் (LSS), மற்றும் டீலக்ஸ் (Deluxe) உள்ளிட்ட அனைத்து வகை அரசுப் பேருந்துகளிலும் மகளிர் இனி கட்டணமின்றிப் பயணிக்கலாம்.
-
மாவட்டங்களுக்கு இடையே பயணம் மேற்கொள்ள ஏதுவாகப் புறநகர் (Mofussil) மற்றும் மலைப் பகுதிகளில் உள்ள சாதாரணக் கட்டணப் பேருந்துகளிலும் மகளிருக்கான கட்டணமில்லாப் பயணம் விரிவுபடுத்தப்படுகிறது.
-
இதற்கான வருமான உச்சவரம்போ அல்லது பயண எண்ணிக்கையிலோ எவ்விதக் கட்டுப்பாடுகளும் இல்லை. இத்திட்டம் திருநங்கைகளுக்கும் (Transgender) முழுமையாகப் பொருந்தும் என முதலமைச்சர் விஜய் அறிவித்துள்ளார்.
#ChiefMinisterVijay #TVKGovernment #Rule110 #TNAssembly #AnnapooraniSuper6 #FreeCylinder #VetriPayanam #FreeBusRideForWomen #ParandurAirport #TamilNaduNews #ChennaiNews #TNPolitics #ViralNewsTN #TrendingTN #LatestNewsTN #TNNewsUpdates
