அரசாங்கத்தில் இணையப் போவதாக வெளியாகும் செய்திகளை எதிர்க்கட்சி நாடாளுமன்ற உறுப்பினர் ஹர்ஷ டி சில்வா மறுத்துள்ளார்.
“அரசாங்கம் என்னைத் தேடுகிறது என்பது எனக்குப் பெருமை அளிக்கிறது, அதில் நான் மகிழ்ச்சியடைகிறேன். ஆனால் எனது அரசியல் பாணி வேறுபட்டது. எது சரி எது தவறு என்று சுட்டிக்காட்டுவதில் எனக்கு எந்தப் பிரச்சினையும் இல்லை,” என்று அவர் தனது வீடியோ செய்தி ஒன்றில் தெரிவித்துள்ளார்.
நாடாளுமன்ற பொது நிதி பற்றிய குழுவின் (COPF) தலைவர் என்ற முறையில், அவர் அக்குழுவை வழிநடத்தும் விதம் சிலருக்குப் பிடிக்கவில்லை என ஐக்கிய மக்கள் சக்தி (SJB) நாடாளுமன்ற உறுப்பினர் குறிப்பிட்டுள்ளார்.
“சிலர் இதனைத் தவறான முறையில் சித்தரிக்க முயற்சிக்கின்றனர். எனக்கு வாக்களித்த அனைவருக்கும் நான் ஒன்றைச் சொல்லிக்கொள்ள விரும்புகிறேன், தயவுசெய்து வதந்திகளை நம்ப வேண்டாம். இது உண்மையல்ல. எனது வாக்காளர்களின் நம்பிக்கையை நான் எப்போதும் பாதுகாப்பேன்,” என்றும் அவர் மேலும் தெரிவித்துள்ளார்.
