சென்னை:
தமிழகச் சட்டமன்றத் தேர்தலில் 108 இடங்களை வென்று தனிப்பெரும் கட்சியாக உருவெடுத்துள்ள தமிழக வெற்றிக் கழகத் தலைவர் விஜய்க்கு, பிரபல இயக்குநரும் நடிகருமான சேரன் தனது எக்ஸ் (X) தளத்தில் நெகிழ்ச்சியான வாழ்த்துகளைத் தெரிவித்துள்ளார். முன்னதாக விஜய்யின் அரசியல் வருகையைத் தொடர்ச்சியாக விமர்சித்து வந்த சேரன், தற்போது தனது நிலைப்பாட்டை மாற்றிக்கொண்டு வருத்தம் தெரிவித்துள்ளார்.
தனது பதிவில், “சந்தித்த முதல் தேர்தலிலேயே 108 தொகுதிகளில் வென்றிருக்கும் விஜய் அவர்களை மனமுவந்து வாழ்த்துகிறேன். எந்தக் கட்சிகளின் பிடியில் சிக்கி இத்தனை வருடம் தவித்தோமோ, அந்தப் பிடியில் இருந்து எங்களை இளைப்பாற வைத்தமைக்கு நன்றி. மக்களின் விருப்பத்தை நிறைவேற்றி, வருங்காலத் தலைமுறைக்கான அவசியங்களை உங்கள் ஆட்சி உருவாக்கித் தரும் என நம்புகிறேன். தேர்தலுக்கு முன் உங்கள் மீது வைத்த விமர்சனங்களுக்காக வருந்துகிறேன்” எனச் சேரன் உருக்கமாகத் தெரிவித்துள்ளார். 59 ஆண்டுகால திராவிடக் கட்சிகளின் அரசியலில் இருந்து தமிழ்நாடு ஒரு “சுதந்திரக் காற்றைச்” சுவாசிப்பதாக அவர் குறிப்பிட்டுள்ளார். ஆரம்பத்தில் நாம் தமிழர் கட்சிக்கு ஆதரவாகவும் விஜய்க்கு எதிராகவும் குரல் கொடுத்து வந்த சேரனின் இந்தத் திடீர் மனமாற்றமும் வாழ்த்தும் அரசியல் மற்றும் திரையுலக வட்டாரத்தில் பெரும் பேசுபொருளாகியுள்ளது.
#Cheran #DirectorCheran #Vijay #TVKVictory #TNElectionResults2026 #ApologyAccepted #BreakingNews #May6 #TamilNaduPolitics #ThalapathyVijay #NewEraTN #VijayAsCM #CinemaUpdates #DirectorWishes #PoliticalChange #May7SwearingIn #VijayMakkalIyakkam #StalinVsVijay #DravidianPoliticsEnd #TamilCinema_“`
