முன்னாள் லிபரல் எம்பி நெய்ட் எர்ஸ்கைன்-ஸ்மித் (Nate Erskine-Smith) மற்றும் ஒலிவியா சௌவின் வளர்ப்பு மகனான மைக் லேட்டன் (Mike Layton) ஆகியோரும் கவுன்சிலர்களாகத் தேர்ந்தெடுக்கப்பட்டுள்ளனர்.

திங்கள்கிழமை இரவு முன்னாள் கவுன்சிலர் பிராட் பிராட்ஃபோர்ட்டை (Brad Bradford) எதிர்த்துப் போட்டியிட்டுப் பெற்ற மாபெரும் வெற்றியின் மூலம், ஒலிவியா சௌ (Olivia Chow) மேலும் நான்கு ஆண்டுகளுக்கு டொராண்டோ நகரை வழிநடத்த ஆயத்தமாகி வருகிறார்.

தனது முக்கிய ஆதரவாளர்கள் பலரும் புதிய கவுன்சிலர்களாகத் தேர்ந்தெடுக்கப்பட்டுள்ள நிலையில், முற்போக்குச் சிந்தனை கொண்ட ஒரு புதிய நகரசபையை ஒலிவியா சௌ வழிநடத்தவுள்ளார். இது அவர் தனது தேர்தல் திட்டங்களையும் கொள்கைகளையும் தடையின்றிச் செயல்படுத்துவதற்குச் சாதகமான சூழலை உருவாக்கியுள்ளது.

, அவர்  530,000 வாக்குகளைப் பெற்று மாபெரும் வெற்றியைப் பதிவு செய்துள்ளார்.

கடுமையான போட்டியும் புதிய தேர்தல் பிரச்சார உத்தியும்

2023 மேயர் இடைத்தேர்தலில் பிராட்ஃபோர்ட் வெறும் 1 சதவீத வாக்குகளை மட்டுமே பெற்றிருந்த போதிலும், 2026 ஆம் ஆண்டின் தேர்தலில் அவர் கணிசமான ஆதரவைத் திரட்டினார்.

வாக்குப்பதிவு நாள் நெருங்க நெருங்க பிராட்ஃபோர்ட்டின் வெற்றி வாய்ப்பு அதிகரிப்பது போல் தோன்றிய வேளையில், ஒலிவியா சௌவின் பிரசாரக் குழு எதிர்த்தரப்பின் கொள்கைகளுக்கு எதிராகத் தீவிரப் பிரசாரத்தை முன்னெடுத்தது. குறிப்பாக, நகரத்தின் நீர் மற்றும் கழிவுநீர் சேவைகளை நிர்வகிக்க ஒரு பொது சேவை நிறுவனத்தை உருவாக்குவதாகப் பிராட்ஃபோர்ட் அளித்த வாக்குறுதியைக் கடுமையான விமர்சனத்திற்கு உள்ளாக்கினார்.

இந்தத் திட்டம் நகரசபைக்கு நிதி திரட்டவும் மக்களுக்குச் செலவைக் குறைக்கவும் உதவும் என பிராட்ஃபோர்ட் கூறியபோதிலும், இது நன்கு இயங்கி வரும் ஒரு பொதுச் சொத்தை நகரம் இழப்பதற்கும், தனியார்மயமாக்கலுக்கு வழிவகுக்கும் என்றும் ஒலிவியா சௌ எச்சரித்தார். இந்த எச்சரிக்கை டொராண்டோ மக்களிடையே பெரும் தாக்கத்தை ஏற்படுத்தியது.

வலுவான வாக்குச் சேகரிப்பு கட்டமைப்பு

ஒலிவியா சௌவின் பிரசாரப் பிரிவு மிகவும் ஒழுங்கமைக்கப்பட்ட முறையில் தொழிற்பட்டது. ‘புரோக்ரஸ் டொராண்டோ’ (Progress Toronto), ஒன்டாரியோ என்.டி.பி (NDP) ஆதரவாளர்கள் மற்றும் தொழிலாளர் சங்கங்களின் ஆதரவு ஆகியவை ஒலிவியா சௌவின் வெற்றிக்குக் காரணியாக அமைந்தன.

அதே பாதையில் தொடர்வதற்கான மக்கள் ஆதரவு

பிராட்ஃபோர்ட்டின் தரப்பு பல புதிய யோசனைகளை முன்வைத்த போதிலும், ஒலிவியா சௌ தனது முதல் பதவிக்காலத்தின் சாதனைகளான வாடகைதாரர்கள் பாதுகாப்பு, பொதுப்போக்குவரத்துக் கட்டணம் மற்றும் பள்ளிகளுக்கான ஊட்டச்சத்துத் திட்டம் ஆகியவற்றையே தனது முதன்மைப் பிரசாரமாக வைத்தார்.

• முக்கிய வாக்குறுதிகள்:

  • TTC பயணிகளுக்கு 10 பயணங்களுக்குப் பிறகு கட்டண வரம்பு (10-ride fare cap).

  • வாடகைதாரர்களுக்கான மேம்படுத்தப்பட்ட பாதுகாப்பு.

  • பள்ளி மதிய உணவுத் திட்டம்.

  • சுயாதீன மளிகைக் கடைக்காரர்களுக்கான வரி விலக்குகள்.

  • மலிவு விலையிலான வீடுகளைத் தொடர்ந்து கட்டுதல்.

நகரசபையில் வலுவடையும் முற்போக்குக் கூட்டணி

முன்னாள் எம்பி நெய்ட் எர்ஸ்கைன்-ஸ்மித் மற்றும் ஒலிவியா சௌவின் வளர்ப்பு மகனான மைக் லேட்டன் போன்ற பல முன்னணி முற்போக்குக் தோழர்கள் நகரசபைக்குத் தேர்வாகியுள்ளனர்.

இதனால், “வலுவான மேயர் அதிகாரங்களை” (Strong Mayor Powers) பயன்படுத்த வேண்டிய அவசியமின்றி, கவுன்சிலர்களின் ஆதரவோடு தனது திட்டங்களை ஒலிவியா சௌவால் எளிதாக நிறைவேற்ற முடியும் என எதிர்பார்க்கப்படுகிறது