சென்னை
தமிழ்நாடு சட்டப்பேரவையில் நீட் தேர்வு விவகாரம் தொடர்பாக காங்கிரஸ் மற்றும் பாஜக உறுப்பினர்களிடையே காரசார விவாதம் நடைபெற்ற நிலையில், இரு கட்சிகளையும் அஇஅதிமுக எம்.எல்.ஏ சி.வி.சண்முகம் கடுமையாக விமர்சித்துப் பேசியுள்ளார்.
காங்கிரஸ் – பாஜக காரசார விவாதம்:
மானியக் கோரிக்கை விவாதத்தின் போது பேசிய காங்கிரஸ் எம்.எல்.ஏ தாரகை கத்பட், “2011-ல் காங்கிரஸ் ஆட்சியில்தான் நீட் தேர்வு வேண்டாத மாநிலங்களுக்கு விலக்கு அளிக்கப்பட்டது; தற்போது சில திருத்தங்கள் மேற்கொண்டு நீட்டிற்கு விலக்கு அளிக்கலாம்,” என்றார். இதற்குப் பதிலளித்த பாஜக எம்.எல்.ஏ போஜராஜன், “இத்தனை ஆண்டுகளாக நீட் தேர்வைக் கொண்டு வந்தது காங்கிரஸ்தான் என ஒப்புக்கொள்ளாத நீங்கள், இப்போது ஒப்புக்கொண்டது சந்தோஷம்,” என்று பதிலடி கொடுத்தார்.
“ரெண்டு பேருக்கும் ஒரே ஜீன்தான்!” – சி.வி.சண்முகம் காட்டம்:
இந்த விவாதத்தின் இடையே குறுக்கிட்டுப் பேசிய சி.வி.சண்முகம், “நீட் தேர்வை நாங்கள்தான் கொண்டு வந்தோம் என காங்கிரசும், சுப்ரீம் கோர்ட் உத்தரவின்படிதான் நடத்துகிறோம் என பாஜகவும் கூறுகின்றன. இவர்கள் வெவ்வேறாக இருந்தாலும் இருவர் உடம்பிலும் ஓடுவது ‘ஒரே ஜீன்தான்’.
மாணவர்கள் மீது உண்மையிலேயே அக்கறை இருந்தால், சுப்ரீம் கோர்ட் தீர்ப்பை நீக்குவதற்கு நாடாளுமன்றத்தில் சட்டத்திருத்தம் கொண்டு வந்து நீட் தேர்வை ரத்து செய்யலாம். அதற்கான அதிகாரம் நாடாளுமன்றத்திற்கு உள்ளது. ஆனால் அதைச் செய்யாமல் பாஜகவும் காங்கிரசும் நீட் தேர்வை வைத்து அரசியல் மட்டுமே செய்கின்றன,” என்று சரமாரியாகக் குற்றம் சாட்டினார்.
#CVShanmugam #AIADMK #NEETExam #TNAssembly #Congress #BJP #NEETIssue #TamilNaduNews #ChennaiNews #TNPolitics #ViralNewsTN #TrendingTN #LatestNewsTN #TNNewsUpdates
