தற்போது நடைமுறையிலுள்ள பயங்கரவாதத் தடுப்புச் சட்டத்திற்குப் (PTA) பதிலாக, புதிய ‘அரசைப் பயங்கரவாதத்திலிருந்து பாதுகாக்கும் சட்டமூலத்தை’ (Protecting the State from Terrorism Bill) அரசாங்க வர்த்தமானியில் வெளியிடுவதற்கும், நாடாளுமன்றத்தின் அங்கீகாரத்திற்காகச் சமர்ப்பிப்பதற்கும் அமைச்சரவை ஒப்புதல் அளித்துள்ளது.
1979 ஆம் ஆண்டின் 48 ஆம் இலக்க பயங்கரவாதத் தடுப்புத் (தற்காலிக ஏற்பாடுகள்) சட்டத்தின் கீழ் உள்ள தற்போதைய சட்டக் கட்டமைப்பை மாற்றுவதற்கும், அதில் கண்டறியப்பட்ட குறைபாடுகளை நிவர்த்தி செய்வதற்கும் இந்த புதிய சட்டம் உத்தேசிக்கப்பட்டுள்ளது.
புதிய சட்டத்திற்கான பூர்வாங்க வரைவைத் தயாரிக்க தொழில்நுட்ப நிபுணர் குழு ஒன்று நியமிக்கப்பட்டிருந்தது. அக்கமிட்டியால் தயாரிக்கப்பட்ட வரைவின் அடிப்படையில் உத்தேசிக்கப்பட்ட சட்டமூலம் உருவாக்கப்பட்டது.
2026 ஆகஸ்ட் 10 ஆம் திகதி நடைபெற்ற அமைச்சரவைக் கூட்டத்தில் புதிய சட்டத்தை அறிமுகப்படுத்துவதற்கான கொள்கை ரீதியான ஒப்புதல் வழங்கப்பட்டது. சட்ட வரைஞரால் தயாரிக்கப்பட்ட இந்தச் சட்டமூலத்திற்கு சட்டமா அதிபரின் அனுமதியும் கிடைத்துள்ளது.
இதற்கமைய, நீதி மற்றும் தேசிய ஒருமைப்பாடு அமைச்சரினால் சமர்ப்பிக்கப்பட்ட முன்மொழிவுக்கு அமைச்சரவை ஒப்புதல் அளித்துள்ளதுடன், இச்சட்டமூலம் அரசாங்க வர்த்தமானியில் வெளியிடப்பட்டு நாடாளுமன்றத்தில் சமர்ப்பிக்கப்படும்.
