ஈஸ்ட்டேல் அவென்யூ (Eastdale Ave) மற்றும் லம்ஸ்டன் அவென்யூ (Lumsden Ave) பகுதிக்கு அருகே இடம்பெற்ற கத்திக்குத்து சம்பவத்தில் 40 வயதுடைய பெண் ஒருவர் காயமடைந்த நிலையில் மருத்துவமனையில் அனுமதிக்கப்பட்டுள்ளார்.
புதன்கிழமை இரவு ஈஸ்ட் யார்க்கில் (East York) இடம்பெற்ற இந்த மோதலில், பாதிக்கப்பட்ட பெண் மருத்துவமனைக்கு கொண்டு செல்லப்பட்ட நிலையில் மற்றொரு பெண் பொலிஸாரால் கைது செய்யப்பட்டுள்ளார்.
இரண்டு பெண்களுக்கு இடையே சண்டை நடப்பதாக கிடைத்த தகவலின் அடிப்படையில், இரவு 10:40 மணியளவில் பொலிஸார் அப்பகுதிக்கு அழைக்கப்பட்டனர்.
இதில் 40 வயது மதிக்கத்தக்க ஒரு பெண் கத்தியால் குத்தப்பட்டு உயிருக்கு ஆபத்தில்லாத காயங்களுக்கு உள்ளாகியுள்ளார் என்று பொலிஸார் தெரிவித்தனர். அவர் சிகிச்சைக்காக மருத்துவமனைக்கு கொண்டு செல்லப்பட்டார்.
சம்பவ இடத்திலேயே மற்றொரு பெண் கைது செய்யப்பட்டதாக பொலிஸார் குறிப்பிட்டனர். இது குறித்த மேலதிக விசாரணைகள் தொடர்ந்து நடைபெற்று வருகின்றன.
