ஆளுங்கட்சியான தேசிய மக்கள் சக்திக்குள் ஜே.வி.பி. – தேசிய மக்கள் சக்தி மோதல் தீவிரமடைந்துள்ளதன் எதிரொலியாக ஆளுங்கட்சியின் உத்தியோகபூர்வ இணையத்தளம் செயலிழந்துள்ளதாக தெரிவிக்கப்படுகின்றது.

கடந்த ஜனாதிபதி மற்றும் பொதுத் தேர்தல் பிரசாரங்களின் போது, ஜேவிபி நாட்டின் பெரும்பான்மையான மக்கள், இளைஞர்கள் மற்றும் புதிய தலைமுறையினரை இலக்காகக் கொண்டு ஒரு மாபெரும் சமூக ஊடகப் பிரச்சாரத்தை முன்னெடுத்திருந்தது.

இவை அனைத்தும் ஜேவிபி கட்சியின் தலைமையகத்திலிருந்தே செயற்பட்டிருந்தன. குறித்த நோக்கத்திற்காக ஜேவிபியால் ஒரு தனிப் பிரிவு உருவாக்கப்பட்டிருந்தது.

ஜேவிபி, NPP.LK என்ற பெயரில் ஒரு தனி இணையதளத்தையும் தொடங்கி, சமூக ஊடகங்கள் மூலம் அதற்குப் பெரும் விளம்பரத்தை அளித்தது. இந்த இணையதளத்தில் தேசிய மக்கள் சக்தியின் கொள்கை அறிக்கை மூன்று மொழிகளிலும் வெளியிடப்பட்டது.

தரமற்ற நிலக்கரி இறக்குமதி மோசடி – அரசாங்கத்துக்கு 37 மில்லியன் டொலர் இழப்பு
தரமற்ற நிலக்கரி இறக்குமதி மோசடி – அரசாங்கத்துக்கு 37 மில்லியன் டொலர் இழப்பு
இணையத்தள செயற்பாடுகள்

மேலும், தேசிய மக்கள் சக்தியின் புத்திஜீவிகளைப் பயன்படுத்தி பல்வேறு துறைகளை மேம்படுத்தும் கொள்கைகளும் இந்த இணையதளத்தில் சேர்க்கப்பட்டிருந்தன. அனைத்துத் துறைகளையும் தனித்தனியாக உள்ளடக்கி, அவற்றை உச்சத்திற்குக் கொண்டு செல்லும் கொள்கைகளைச் சேர்க்கவும் ஜேவிபி நடவடிக்கை எடுத்திருந்தது.

கடந்த காலம் முழுவதும், இந்த NPP.LK இணையதளம் ஜேவிபி கட்சியின் தலைமையகத்தில் அதற்கென ஒதுக்கப்பட்ட அலுவலகம் மற்றும் பணியாளர்கள் மூலம் தீவிரமாகச் செயல்பட்டு வந்தது.

தற்போதைக்கு தேசியமக்கள் சக்தி ஆட்சிக்கு வந்து வரும் செப்டெம்பரில் இரண்டு ஆண்டுகளை நிறைவு செய்ய உள்ளது. இந்நிலையில் தற்போது நாட்டின் பொதுமக்களை ஒன்றிணைத்த தேசிய மக்கள் சக்தியின் NPP.LK இணையதளத்தை முற்றிலுமாகச் செயலிழக்கச் செய்ய ஜேவிபி நடவடிக்கை எடுத்துள்ளதாக அங்கிருந்து கிடைத்துள்ள சமீபத்திய தகவல்கள் தெரிவிக்கின்றன.

அதன்படி, தற்போது ஜேவிபி பெலவத்தை தலைமையகத்திலிருந்து இணையத்தள செயற்பாடுகள் அகற்றப்பட்டுள்ளதாக அறிய முடிகிறது. அத்துடன் குறித்த இணையத்தளமும் செயலிழக்கச் செய்யப்பட்டுள்ளதாக தெரிவிக்கப்படுகின்றது.

பௌதீக ரீதியாக தேசிய மக்கள் சக்தி என்ற பெயரில் இனி ஒரு கட்சி இல்லை, இருப்பது ஜே.வி.பி. என்ற கட்சி மாத்திரமே எனும் அரசியல் சமிக்ஞை ஒன்றை அதன் மூலம் ஜேவிபி வெளிப்படுத்தியுள்ளதாக அரசியல் ஆய்வாளர்கள் சுட்டிக்காட்டியுள்ளமை குறிப்பிடத்தக்கது.