சென்னை: பிஎஸ்பி மாநிலத் தலைவர் ஆம்ஸ்ட்ராங் கொலை வழக்கில் கைதாகி, ஜாமீனில் வெளிவந்த அஸ்வத்தாமன் பெங்களூருவில் பிடிபட்ட நிலையில், சென்னை தனிப்படை போலீசாரின் தீவிர விசாரணைக்குப் பிறகு விடுவிக்கப்பட்டுள்ளார். ஆம்ஸ்ட்ராங் கொலை வழக்கில் ‘ஏ2’ குற்றவாளியாகச் சேர்க்கப்பட்டுள்ள அஸ்வத்தாமன், நேற்று பெங்களூரு விமான நிலையம் வழியாக வெளிநாட்டிற்குத் தப்ப முயன்றதாகக் கூறி குடியுரிமை அதிகாரிகளால் தடுத்து நிறுத்தப்பட்டு, சென்னை போலீசாரிடம் ஒப்படைக்கப்பட்டார்.
இதனைத் தொடர்ந்து சென்னைக்கு அழைத்து வரப்பட்ட அவரிடம் தனிப்படை போலீசார் விடிய விடிய விசாரணை நடத்தினர். இந்த விசாரணையின் போது, தனது பயணம் குறித்த உரிய பயண ஆவணங்கள் மற்றும் சட்டப்பூர்வமான ஆதாரங்களை அஸ்வத்தாமன் தரப்பு சமர்ப்பித்ததாகத் தெரிகிறது. அவர் சமர்ப்பித்த ஆவணங்கள் மற்றும் விளக்கங்கள் திருப்திகரமாக இருந்ததை உறுதி செய்த போலீசார், நீண்ட விசாரணைக்குப் பிறகு அவரை விடுவித்தனர். ஜாமீனில் இருக்கும் ஒருவர் வெளிநாடு தப்ப முயன்றதாக எழுந்த புகார் மற்றும் கைது நடவடிக்கை, அரசியல் மற்றும் சட்ட வட்டாரங்களில் பெரும் பரபரப்பை ஏற்படுத்திய நிலையில், தற்போது அவர் விடுவிக்கப்பட்டுள்ளது குறிப்பிடத்தக்கது.
#ArmstrongCase #Aswathaman #ChennaiPolice #InvestigationUpdate #BreakingNews #TamilNaduNews #LegalUpdate #AswathamanReleased #PoliceInquiry #ChennaiCrime #BailConditions #BengaluruAirport #PoliticalNews #May1
