சென்னை:
தமிழகச் சட்டமன்றத் தேர்தல் முடிவுகள் குறித்த எதிர்பார்ப்பு மாநிலம் முழுவதும் அதிகரித்துள்ள நிலையில், கள நிலவரம் குறித்து கரூர் காங்கிரஸ் எம்.பி. ஜோதிமணி தனது முக்கியக் கருத்தைப் பகிர்ந்துள்ளார். தமிழகத்தில் கடந்த ஏப்ரல் 23-ஆம் தேதி நடைபெற்ற தேர்தலில் 85.10 சதவீத வாக்குகள் பதிவாகியுள்ளன. திமுக, அதிமுக, தவெக மற்றும் நாம் தமிழர் என நான்கு முனைப் போட்டி நிலவும் சூழலில், மே 4-ஆம் தேதி வாக்கு எண்ணிக்கை நடைபெறவுள்ளது.
பல்வேறு நிறுவனங்கள் மாறுபட்ட கருத்துக்கணிப்புகளை வெளியிட்டு வரும் நிலையில், ஜோதிமணி தனது எக்ஸ் (X) பக்கத்தில் பதிவிட்டிருப்பதாவது: “களத்திலிருந்து ஒரு விஷயத்தை மட்டும் மிகத்தெளிவாக உணர முடிகிறது. 2026 தமிழ்நாடு சட்டமன்றத் தேர்தலில் மாணவர்கள், இளைஞர்கள் மற்றும் பெண்கள் ஆகியோரின் தாக்கம் தேர்தல் முடிவைத் தீர்மானிப்பதில் மிக முக்கியக் காரணியாக இருக்கும்” என்று தெரிவித்துள்ளார். புதிய வாக்காளர்களின் வரவும், பெண் வாக்காளர்களின் எழுச்சியும் இந்தத் தேர்தலில் ஒரு மிகப்பெரிய அரசியல் மாற்றத்தையோ அல்லது வலுவான தீர்ப்பையோ வழங்கும் என்பதை ஜோதிமணியின் இந்தப் பதிவு சுட்டிக்காட்டுகிறது. தேர்தல் முடிவுகள் வெளியாக இன்னும் சில நாட்களே உள்ள நிலையில், காங்கிரஸ் எம்பியின் இந்த கருத்து அரசியல் வட்டாரத்தில் கவனத்தைப் பெற்றுள்ளது.
#JothimaniMP #TNElection2026 #Congress #ElectionResults #May4 #TamilNaduPolitics #YouthVote #WomenEmpowerment #StudentPower #PoliticalAnalysis #BreakingNews #TNAssemblyElection #ElectionOutcome #May1 #VoterImpact #DMKAlliance #Decision2026
