அமெரிக்காவுடனான அமைதிப் பேச்சுவார்த்தையின் நிலை குறித்து ஈரானிய வெளியுறவு அமைச்சகத்தின் ஊடகப்பேச்சாளர் இஸ்மாயில் பாகே (Esmaeil Baqaei) தற்போது அறிக்கை ஒன்றை வெளியிட்டுள்ளார்.
சமூக வலைதளத்தில் அவர் வெளியிட்டுள்ள பதிவில், இந்தப் பேச்சுவார்த்தைகளை “தீவிரமானவை” (Intensive) என்று விவரித்துள்ள பாகே, அதேவேளை, “தற்போது நடைபெற்று வரும் பேச்சுவார்த்தைகளின் வெற்றி என்பது எதிர் தரப்பின் தீவிரத்தன்மை மற்றும் நன்மதிப்பைப் (Good faith) பொறுத்தே அமையும்” என்றும் குறிப்பிட்டுள்ளார்.
அமெரிக்காவிற்கான அழைப்பு: வாஷிங்டன் தனது “அதிகப்படியான கோரிக்கைகள் மற்றும் சட்டவிரோத கோரிக்கைகளை” கைவிட வேண்டும் என்றும், ஈரானின் “நியாயமான உரிமைகள் மற்றும் நலன்களை” அங்கீகரிக்க வேண்டும் என்றும் பாகே அழைப்பு விடுத்துள்ளார்.
விவாதிக்கப்பட்ட விடயங்கள்: ஹோர்முஸ் நீரிணை, ஈரானின் அணுசக்தி திட்டம் மற்றும் “ஈரான் மீதான போரை முழுமையாக முடிவுக்குக் கொண்டு வருதல்” உள்ளிட்ட விவகாரங்கள் குறித்து விவாதிக்கப்பட்டதாக அவர் தெரிவித்தார்.
