சென்னை
அமெரிக்காவில் நடைபெற்ற 2026 செயின்ட் லூயிஸ் ரேபிட் மற்றும் பிளிட்ஸ் (2026 Saint Louis Rapid & Blitz) செஸ் தொடரில் சாம்பியன் பட்டம் வென்று வரலாற்றுச் சாதனை படைத்துள்ளார் தமிழ்நாட்டின் இளம் செஸ் புயல் பிரக்ஞானந்தா! இந்த மாபெரும் வெற்றியைப் பாராட்டித் தமிழ்நாடு முதலமைச்சர் ஜோசப் விஜய் தனது ‘எக்ஸ்’ (X) வலைத்தளப் பக்கத்தில் நெஞ்சார்ந்த வாழ்த்துகளைத் தெரிவித்துள்ளார்.
முதலமைச்சர் விஜய் வெளியிட்டுள்ள தனது சிறப்பு வாழ்த்துப் பதிவில், “உலகின் முன்னணி செஸ் வீரர்கள் பலரும் பங்கேற்ற இந்த மாபெரும் தொடரில், தன்னை விட அதிக ரேட்டிங் கொண்ட அமெரிக்கா, உஸ்பெகிஸ்தான், ஜெர்மனி உள்ளிட்ட நாடுகளின் ஜாம்பவான்களை மிகத் திறமையாக எதிர்கொண்டு பிரக்ஞானந்தா வெற்றிவாகை சூடியுள்ளார். இதன் மூலம் சர்வதேச செஸ் அரங்கில் தான் ஒரு மிகச் சிறந்த சாம்பியன் என்பதை அவர் மீண்டும் ஒருமுறை ஆணித்தரமாக நிரூபித்து, ஒட்டுமொத்த இந்தியாவிற்கும் தமிழ்நாட்டிற்கும் மாபெரும் பெருமை சேர்த்துள்ளார்” எனப் பெருமிதத்துடன் குறிப்பிட்டுள்ளார்.
மேலும், “இவரைப் போன்ற இளம் திறமையான விளையாட்டு வீரர்கள் சர்வதேச அளவில் மாபெரும் வெற்றி பெறத் தேவையான அனைத்து ஆதரவையும், தகுந்த வழிகாட்டுதலையும் தமிழ்நாடு விளையாட்டு மேம்பாட்டு ஆணையம் (SDAT) தொடர்ந்து சிறப்பாக வழங்கி வருகிறது. குறிப்பாக அரசின் ‘எலைட்’ (ELITE) சிறப்புத் திட்டத்தின் கீழ் பயன்பெற்று வரும் இளம் செஸ் வீரர் பிரக்ஞானந்தாவிற்கு எனது மனமார்ந்த பாராட்டுகள்” எனவும் முதலமைச்சர் விஜய் தனது பதிவில் நெகிழ்ச்சியுடன் தெரிவித்துள்ளார்!
#Praggnanandhaa #SaintLouisChess #ChessChampion #ChiefMinisterVijay #ThalapathyVijay #TVKGovernment #SDAT #EliteScheme #TamilNaduNews #Chennai #ViralNews #LatestNewsTN #TrendingTN #SportsNewsTN #ProudTamilNadu
