அமெரிக்காவிற்கு மாற்று இல்லை: அமெரிக்கா தனது தேவைக்கான முதன்மை அலுமினிய இறக்குமதியில் 75% கனடாவையே நம்பியுள்ளது. கனடா நிறுவனங்கள் ஐரோப்பா போன்ற பிற சர்வதேச சந்தைகளுக்கு எளிதாகத் திருப்புவதன் மூலம் நஷ்டத்தைச் சமாளித்துவிடும். ஆனால் அமெரிக்காவிற்கு மலிவான விலையில் அலுமினியம் வழங்கும் வேறு ஒரு நாட்டைக் கண்டுபிடிப்பது சாத்தியமற்றது என கனடாவின் அலுமினிய சங்கத்தின் தலைமை நிர்வாக அதிகாரி ஜான் சிமார்ட் (Jean Simard) தெரிவித்துள்ளார்.

அமெரிக்க உற்பத்தியாளர்களுக்கே பாதிப்பு: 50% வரிகளால் கனடிய உற்பத்தியாளர்களை விட அமெரிக்க உற்பத்தி நிறுவனங்களே அதிக நிதி நெருக்கடியைச் சந்திக்கும். ஐரோப்பியப் போட்டியாளர்களை விட மெட்டல் ஒன்றுக்கு $1,500 முதல் $2,000 டாலர் வரை கூடுதலாகச் செலுத்துவதால், அமெரிக்கப் பொருட்கள் சர்வதேச ஏற்றுமதிச் சந்தைகளில் போட்டியிடும் திறனை இழக்கும்.

ஆற்றல் பற்றாக்குறை (Energy Constraint): அமெரிக்காவில் குறைந்த எண்ணிக்கையிலேயே அலுமினியம் உருக்கும் ஆலைகள் உள்ளன. கனடாவைப் போல தொடர்ச்சியான நீர்மின் சக்தி (Hydroelectric power) கட்டமைப்பு அமெரிக்காவிடம் இல்லாததால், அவர்களால் உடனடியாக உள்நாட்டு உற்பத்தியைப் பெருக்க முடியாது.

வேலைவாய்ப்புத் தாக்கம்: கனடாவிலிருந்து இறக்குமதி செய்யப்படும் அலுமினியப் பொருட்களை வைத்து அமெரிக்காவில் உருவாகும் ஒவ்வொரு 1 தொழிலாளரின் வேலைக்கும் 13 வேலைவாய்ப்புகள் உருவாகின்றன. எனவே, இந்த வரிகள் அமெரிக்க உற்பத்தித் துறையையே கடுமையாகப் பாதிக்கும்.