1. கண்களுக்கு தேவையான சத்தான உணவுகள்
• காரட் இதில் உள்ள பீட்டா-கெரட்டீன் மற்றும் வைட்டமின் ஏ ரெட்டினா பகுதியைப் பாதுகாத்து, இரவு நேரப் பார்வையை மேம்படுத்த உதவுகிறது.
• பச்சை இலை கீரைகள் : பசலைக் கீரை போன்றவற்றில் உள்ள ‘லூட்டின்’ மற்றும் ‘ஸீயாக்சாந்தின்’ ஆகிய ஆன்டிஆக்ஸிடன்ட்டுகள் தீங்கு விளைவிக்கும் நீல ஒளியிலிருந்து விழித்திரையைப் பாதுகாக்கும்.
• கொழுப்புச்சத்து மீன்கள் : சால்மன், சாடீன் போன்ற மீன்களில் உள்ள ஒமேகா-3 ஃபேட்டி ஆசிட் கண் வறட்சி மற்றும் வயதான காலத்தில் ஏற்படும் பார்வைக் குறைபாட்டைத் தடுக்கும்.
• முட்டை : இதில் உள்ள லுடீன் மற்றும் சத்துக்கள் கண் விழித்திரைக்கு மிகவும் நல்லது.
• நட்ஸ் மற்றும் பருப்பு வகைகள் : பாதாம், வால்நட் மற்றும் வேர்க்கடலையில் உள்ள வைட்டமின் ஈ கண் சோர்வைக் குறைத்து இரத்த ஓட்டத்தை மேம்படுத்தும்.
• சிட்ரஸ் பழங்கள்: ஆரஞ்சு, பப்பாளி, நெல்லிக்கனி போன்ற வைட்டமின் சி நிறைந்த பழங்கள் கண் செல்களைப் பாதுகாக்கும்.
2. தினசரி கண் பாதுகாப்பு பழக்கங்கள்
• 20-20-20 விதிமுறை: ஒவ்வொரு 20 நிமிடத்துக்கு ஒருமுறை, 20 அடி தூரத்தில் உள்ள ஏதேனும் ஒரு பொருளை 20 விநாடிகள் பாருங்கள். இது கணினி அல்லது கைபேசி திரையால் ஏற்படும் கண் தசைகளின் சோர்வைக் குறைக்கும்.
• போதுமான தூக்கம்: தினமும் குறைந்தபட்சம் 7 முதல் 8 மணி நேரம் ஆழ்ந்த தூக்கம் அவசியம்.
• கண்களுக்கு நீர் தெளித்தல்: அவ்வப்போது சுத்தமான குளிர்ந்த நீரைக் கொண்டு கண்களுக்கு மென்மையாகத் தண்ணீர் தெளித்து ஓய்வு கொடுப்பது நல்லது.
• உரிய வெளிச்சம்: இருட்டில் மொபைல் அல்லது லேப்டாப் பயன்படுத்துவதைத் தவிர்த்து போதுமான வெளிச்சம் உள்ள இடத்தில் பயன்படுத்த வேண்டும்.
• சன்கிளாஸ் : வெயிலில் வெளியில் செல்லும்போது UV கதிர்களிடமிருந்து கண்களைப் பாதுகாக்கச் சன்கிளாஸ் அல்லது குடை பயன்படுத்தலாம்.
