புதிய பயங்கரவாத தடைச்சட்டம் சட்ட அமுலாக்கல் அதிகாரங்களை இராணுவத்திற்கு வழங்குகின்றது – மாற்றுக்கொள்கைகளுக்கான நிலையம்
அரசாங்கம் வர்த்தமானியில் வெளியிட்டுள்ள அரசை பயங்கரவாதத்திலிருந்து பாதுகாக்கும் சட்டமூலம் பொலிஸ் மற்றும் சட்ட அமுலாக்கல் அதிகாரங்களை இராணுவத்திற்கு வழங்கும் நடைமுறையை தொடர்கின்றது என மாற்றுக்கொள்கைகளுக்கான நிலையம் தெரிவித்துள்ளது
மாற்றுக்கொள்கைகளுக்கான நிலையம் தனது அறிக்கையில் மேலும் தெரிவித்துள்ளதாவது
மாற்றுக்கொள்கைகளுக்கான நிலையம் செப்டம்பர் மாதம் வர்த்தமானியில் வெளியிடப்பட்டுள்ள அரசை பயங்கரவாதத்திலிருந்து பாதுகாப்பதற்கான சட்டமூலம் குறித்து தனது ஆழ்ந்த கரிசனையை வெளியிடுகின்றது.
2026ம் ஆண்டின் அரசை பயங்கரவாதத்திலிருந்து பாதுகாக்கும் சட்டமூலம் முன்னைய முன்னைய சிக்கல் நிறைந்த பயங்கரவாத தடைச்சட்டத்தின் மீதே கட்டியெழுப்பபடுகின்றது.
இதன் காரணமாக அரசாங்கம் தனது தேர்தல் வாக்குறுதிக்கு அமைய உத்தேச அரசை பயங்கரவாதத்திலிருந்து பாதுகாக்கும் சட்டமூலத்தை வாபஸ்பெறவேண்டும் பயங்கரவா தடைச்சட்;டத்தை முற்றாக நீக்கவேண்டும் என வேண்டுகோள் விடுக்கின்றோம்.
2026 அரசை பயங்கரவாதத்திலிருந்து பாதுகாக்கும் சட்டமூலத்தில் பயங்கரவாதம் குறித்த வரைவிலக்கணம் தொடர்ந்தும் பரந்துபட்டதாக காணப்படுகின்றது.இதன் காரணமாக இத்தகைய குற்றங்களில் ஈடுபட்டதாக சந்தேகிக்கப்படும் அல்லது நிரூபிக்கப்பட்ட நபர் எவரும் வழமையான சட்டங்களை விட கடும் சட்டங்களை எதிர்நோக்கவேண்டியிருக்கும்.
சட்டத்தை நடைமுறைப்படுத்தும் அதிகாரங்களை இராணுவத்திற்கு வழங்கும் நடைமுறை இந்த சட்டமூலத்தின் மூலம் தொடர்கின்றது.
இந்த சட்டமூலம் சந்தேகநபர்களை வழக்கு விசாரணைக்கு முன்னர் தடுப்புக்காவலில் வைப்பதற்கு அனுமதியளிக்கின்றது.மேலும் இந்த சட்டமூலம் கருத்து சுதந்திரம்,ஒன்று கூடல் சுதந்திரத்தின் மீது கடும் கட்டுப்பாடுகளை விதிக்கின்றது.

அரசாங்கம் முன்மொழிந்துள்ள இந்த சட்டமூலம் பயங்கரவாத தடைச்சட்டத்தில் காணப்படும் ஆழமான அடிப்படை பிரச்சினைகளுக்கு தீர்வை காணவில்லை,மேலும் ஜனாதிபதியும் தேசிய மக்கள் சக்தியும் பயங்கரவாத தடைச்சட்டத்தை முற்றாக நீக்குவதாக வழங்கிய வாக்குறுதிகளின் அணுகுமுறைக்கு முற்றிலும் முரணானது என மாற்றுக்கொள்கைகளுக்கான நிலையம் தெரிவித்துள்ளது.