2011ஆம் ஆண்டு யாழ்ப்பாணத்தில் அரசியல் செயல்பாட்டாளர்களான லலித் குமார் வீரராஜ் மற்றும் குகன் முருகானந்தன் ஆகியோர் காணாமல் ஆக்கப்பட்ட சம்பவம் தொடர்பான வழக்கில் சாட்சியமளிப்பதற்காக, முன்னாள் ஜனாதிபதி கோட்டாபய ராஜபக்ஷ கொழும்பு தலைமை மேஜிஸ்திரேட் நீதிமன்றத்தில் ஆஜராகியுள்ளார்.
பாதுகாப்பு அச்சுறுத்தல்கள் காரணமாக யாழ்ப்பாணத்திற்கு நேரில் பயணிப்பதில் தனக்குச் சிரமம் இருப்பதாக கோட்டாபய ராஜபக்ஷவின் சட்டத்தரணிகள் நீதிமன்றத்தில் கோரிக்கை முன்வைத்தனர். அதனை ஏற்றுக்கொண்ட யாழ்ப்பாணம் மேஜிஸ்திரேட் நீதிமன்றம், இணையவழி காணொளி (Online Video) வாயிலாக சாட்சியமளிக்க அவருக்கு அனுமதி வழங்கியது.
அதன்படி, இன்று கொழும்பு தலைமை மேஜிஸ்திரேட் நீதிமன்றத்தில் ஆஜராகி, அங்கிருந்து காணொளி இணைப்பு மூலமாக யாழ்ப்பாணம் மேஜிஸ்திரேட் நீதிமன்றத்தில் சாட்சியமளிக்குமாறு கோட்டாபய ராஜபக்ஷவிற்கு உத்தரவிடப்பட்டதைத் தொடர்ந்து அவர் நீதிமன்றத்தில் முன்னிலையானார்.
