சென்னை:
திமுகவின் முப்பெரும் விழாவில் முதலமைச்சர் விஜய் மற்றும் தவெக அரசை ‘ரீல்ஸ் அரசு’ என விமர்சித்திருந்த நிலையில், அதற்குப் பதிலடி கொடுக்கும் விதமாகத் தமிழக வெற்றிக் கழகத்தின் தகவல் தொழில்நுட்பப் பிரிவு (IT Wing) அதிகாரப்பூர்வமான அறிக்கை ஒன்றை வெளியிட்டுள்ளது.
தவெக ஐடி விங் அறிக்கையின் முக்கியக் குறிப்புகள்:
-
‘நீலாம்பரி’ ரசனை: பேரறிஞர் அண்ணா குறித்துப் பேச வேண்டிய மேடையில் அவரைப் பற்றி ஒற்றை வார்த்தைகூட உதிர்க்காமல், முதலமைச்சர் விஜய்யின் நடை, உடை, பாவனைகளைத் திமுகவினர் விமர்சிக்கின்றனர். கொளத்தூர் முன்னாள் எம்.எல்.ஏ (மு.க.ஸ்டாலின்) முதலமைச்சரின் ஒவ்வொரு அசைவையும் ‘நீலாம்பரி’ போல வீட்டில் அமர்ந்து ரீபீட் மோடில் (repeat mode) ஓட்டிப் பார்த்து ரசிக்கிறார்.
-
மிசா & ரீவேல்யூவேசன்: மிசா கைதை யாருக்கும் நிரூபிக்க வேண்டிய அவசியமில்லை எனக் கூறும் அவர், எதற்காக 9 நிமிடக் காணொளியை வெளியிட்டார்? மிசா டிடென்ஷன் காப்பி (Detention copy) காணாமல் போய்விட்டதா? எனத் தவெக ஐடி விங் சரமாரியாகக் கேள்வி எழுப்பியுள்ளது. மேலும், 3 முறை ‘ரீவேல்யூவேசன்’ (revaluation) போட்டது குறித்தும் விமர்சித்துள்ளது.
-
விளம்பர ஷூட்டிங் நாயகன்: ஜோசியர் சொன்னதற்கேற்ப கையில் வாக்கிங் ஸ்டிக், இன்ஸ்டா குழந்தைகளுடன் மினி விலாக் (vlog), வெளிநாட்டுப் பயணங்களில் சைக்கிள் ரைடு என நித்தம் ஒரு விளம்பர ஷூட்டிங் நடத்தியவர்கள்தான் உண்மையான ‘ஷூட்டிங் நாயகர்கள்’. நடிப்பைத் துறந்துவிட்டு மக்கள் பணியாற்ற வந்த முதலமைச்சர் விஜய்யைப் பார்த்து ‘நடிக்கிறார்’ என்பது உச்சபட்ச நகைமுரண்.
-
வெளிநாட்டு முதலீடு: வெளிநாட்டு முதலீடா அல்லது வெளிநாட்டில் முதலீடா எனக் கேள்வி எழுப்பி, அவையில் வெற்றுத் தாளைக் காட்டிய மங்காப் புகழ் யாருடைய ஆட்சியில் நடந்தது என விமர்சித்துள்ள தவெக, மக்களின் தேர்தல் தீர்ப்பை ஏற்க முடியாமல் திமுகவினர் ஒப்பாரி வைப்பதாகச் சாடியுள்ளது.
முதலமைச்சர் விஜய்யின் லண்டன் பயணம் குறித்தும், சட்டப்பேரவைச் செயல்பாடுகள் குறித்தும் எதிர்க்கட்சித் தலைவர் உதயநிதி ஸ்டாலின் மற்றும் மு.க.ஸ்டாலின் ஆகியோர் கடுமையாக விமர்சித்து வந்த நிலையில், தவெக ஐடி விங்கின் இந்த நேரடி ‘கவுண்டர்’ அறிக்கை இணைய அரசியல் களத்தில் பரபரப்பை ஏற்படுத்தியுள்ளது.
Hashtags:
#TVKITWing #MKStalin #CMVijay #MupperumVizha #DMKvsTVK #TNPolitics #TamilNaduNews #BreakingNewsTamil
