வுகாத்தி
அரசு ஊழியர்கள் முதல் மனைவியை விவாகரத்து செய்யாமல் இரண்டாவது திருமணம் செய்தால், அவர்களின் மாதச் சம்பளத்திலிருந்து 20 சதவீதம் பிடித்தம் செய்யப்படும் என அசாம் மாநில அரசு அதிரடியாக அறிவித்துள்ளது.
முதல் மனைவியின் வங்கிக் கணக்கில் பணம்: அசாம் மாநிலத்தில் பலதார திருமணத்தைத் தடை செய்யப் பல்வேறு கடுமையான நடவடிக்கைகள் எடுக்கப்பட்டு வரும் நிலையில், முதல்வர் ஹிமந்தா பிஸ்வா சர்மா இந்த முக்கிய அறிவிப்பை வெளியிட்டுள்ளார். அதன்படி, முதல் மனைவியை விவாகரத்து செய்யாமல் 2-வது திருமணம் செய்துகொள்ளும் அரசு ஊழியர்களின் சம்பளத்திலிருந்து 20% பிடித்தம் செய்யப்பட்டு, அந்தத் தொகை நேரடியாக முதல் மனைவியின் வங்கிக் கணக்கில் செலுத்தப்படும்.
விண்ணப்பிக்கும் முறை & தனியார் துறைக்கும் விரிவாக்கம்: இதற்காகப் பாதிக்கப்பட்ட முதல் மனைவி அரசிடம் உரிய முறையில் விண்ணப்பிக்க வேண்டும். விவாகரத்து வழக்கு நீதிமன்றத்தில் நிலுவையில் இருந்தாலும் கூட இந்தச் சம்பளப் பிடித்தம் தொடர்ந்து நடைமுறையில் இருக்கும். சட்டரீதியான நடவடிக்கைகள் முடியும் வரை முதல் மனைவி எந்தவிதப் பொருளாதாரச் சிரமங்களையும் சந்திக்காமல் இருப்பதை உறுதி செய்வதே இதன் நோக்கமாகும். மேலும், இந்தத் திட்டத்தைத் தனியார் துறை ஊழியர்களுக்கும் விரிவுபடுத்த அசாம் அரசு திட்டமிட்டுள்ளது.
பெற்றோரைப் புறக்கணித்தாலும் நடவடிக்கை: ஏற்கனவே அசாம் மாநிலத்தில், அரசு ஊழியர்கள் தங்களின் முதிய பெற்றோர் அல்லது மாற்றுத்திறனாளி உடன்பிறப்புகளைக் கவனிக்காமல் புறக்கணித்தால், அவர்களின் சம்பளத்தில் இருந்து 10 சதவீதம் பிடித்தம் செய்யப்பட்டு நேரடியாகப் பெற்றோரின் வங்கிக் கணக்கில் செலுத்தப்பட்டு வருவது குறிப்பிடத்தக்கது.
#AssamGovernment #HimantaBiswaSarma #SecondMarriageRule #SalaryDeduction #GovernmentEmployees #AssamNews #NationalNews #ViralNewsIndia #TrendingNews #LatestUpdates
