சென்னை
விடுதலைச் சிறுத்தைகள் கட்சியின் தலைவரும், நாடாளுமன்ற உறுப்பினருமான முனைவர் தொல். திருமாவளவன் இன்று தனது 64-வது பிறந்தநாளைக் கொண்டாடுகிறார். இதையொட்டி அரசியல் கட்சித் தலைவர்கள், விசிக நிர்வாகிகள் மற்றும் தொண்டர்கள் அவருக்குத் தங்கள் மனமார்ந்த வாழ்த்துகளைத் தெரிவித்து வருகின்றனர்.
“விளிம்புநிலை மக்களின் உரிமைக்குரல்!” – முதல்வர் விஜய் வாழ்த்து:
திருமாவளவனின் பிறந்தநாளையொட்டி, தமிழ்நாடு முதலமைச்சர் ச. ஜோசப் விஜய் தனது ‘எக்ஸ்’ (X) தளத்தில் வெளியிட்டுள்ள வாழ்த்துப் பதிவில், “விடுதலைச் சிறுத்தைகள் கட்சித் தலைவரும் நாடாளுமன்ற உறுப்பினருமான எழுச்சித் தமிழர் முனைவர் தொல்.திருமாவளவனுக்கு எனது மனமார்ந்த பிறந்தநாள் நல்வாழ்த்துகள்! சமூகநீதி, சமத்துவம், ஜனநாயக விழுமியங்கள் மற்றும் விளிம்புநிலை மக்களின் உரிமைகளுக்காகத் தொடர்ந்து குரல் கொடுத்துவரும் தங்களின் பொதுவாழ்வுப் பயணம் மென்மேலும் சிறக்கட்டும். தாங்கள் நல்ல உடல் நலத்துடனும், நீண்ட ஆயுளுடனும் வாழ இந்நாளில் வாழ்த்துகிறேன்!” என்று பெருமிதத்துடன் குறிப்பிட்டுள்ளார்.
“சகோதரருக்கு வாழ்த்துகள்!” – மு.க.ஸ்டாலின் நெகிழ்ச்சி:
இதேபோல், முன்னாள் முதலமைச்சரும் திமுக தலைவருமான மு.க.ஸ்டாலின் தனது வாழ்த்துச் செய்தியில், “விடுதலைச் சிறுத்தைகள் கட்சியின் தலைவர் சகோதரர் திருமாவளவனுக்கு இனிய பிறந்தநாள் வாழ்த்துகள். தாங்கள் நீண்ட காலம் நல்ல உடல் நலத்துடன் திகழ்ந்து, மக்கள் பணியில் தொடர்ந்து ஈடுபட விழைகிறேன்” என்று நெகிழ்ச்சியுடன் பதிவிட்டுள்ளார்.
#Thirumavalavan #HBDThirumavalavan #ChiefMinisterVijay #JosephVijay #ThalapathyVijay #TVKGovernment #MKStalin #VCK #TamilNaduNews #TNPolitics #ChennaiNews #ViralNewsTN #TrendingTN #LatestNewsTN #TNNewsUpdates
