முன்னாள் லிபரல் கட்சி நாடாளுமன்ற உறுப்பினரும் (MP) வழக்கறிஞருமான ராஜ் கிரேவால் (Raj Grewal), சர்ச்சைக்குரிய மில்லியன் கணக்கிலான நிதியைத் கடனளித்தவர்களுக்குத் திரும்பச் செலுத்துவதாக உறுதியளித்ததாகவும், ஆனால் அதற்குத் தமக்கு எதிராக ஒன்ராறியோ சட்டச் சங்கத்திடமோ (Law Society of Ontario) அல்லது பொலிஸாரிடமோ புகார் அளிக்கக் கூடாது என நிபந்தனை விதித்ததாகவும் குற்றஞ்சாட்டப்பட்டுள்ளார்.
அனுமதியற்ற அடமானங்கள் (Unauthorized mortgages), நம்பிக்கைப் பொறுப்பு நிதிகளைத் தவறாகப் பயன்படுத்தியமை (Misappropriated trust funds) மற்றும் அடமான மோசடியில் ஈடுபட்டமை உட்படப் பல குற்றச்சாட்டுகளை கிரேவால் எதிர்கொண்டுள்ளார்.
இதில் ஒரு குழுவினரின் கோரிக்கைகள் சுமார் 17 மில்லியன் டாலர்களை எட்டுகின்ற அதேவேளையில், பரந்த அளவிலான சிவில் தகராறுகள் (Civil disputes) 100 மில்லியன் டாலர்கள் வரை தொடர்புடையவை என அறிக்கைகள் தெரிவிக்கின்றன.
பொதுமக்களுக்கு ஆபத்து ஏற்படும் எனக் குறிப்பிட்டு, கிரேவாலின் வழக்கறிஞர் உரிமத்தை இடைநிறுத்துவதற்கு ஒன்ராறியோ சட்டச் சங்கம் நடவடிக்கை எடுத்து வருகிறது.
பொலிஸ் விசாரணைகளும் பல சிவில் வழக்குகளும் தொடர்ந்து நடைபெற்று வரும் நிலையில், இது தொடர்பான விசாரணை ஆகஸ்ட் 14 ஆம் திகதி நடைபெறவுள்ளது.
இந்தக் குற்றச்சாட்டுகள் நீதிமன்றத்தில் இன்னும் நிரூபிக்கப்படவில்லை. சட்டப்பூர்வ நடைமுறைகளின் மூலம் இந்தக் கோரிக்கைகளுக்குப் பதிலளிக்க கிரேவாலுக்கு முழு உரிமை உண்டு.
