தொடர்ந்து முன்னெடுக்கப்பட்டு வரும் சிறுவர் ld exploitation) தொடர்பான விசாரணையில், ஆடவர் ஒருவருக்கு எதிராக மேலும் 13 குற்றச்சாட்டுகளை வாட்டர்லூ பிராந்திய பொலிஸார் (Waterloo Regional Police) சுமத்தியுள்ளதுடன், இந்த விவகாரத்தில் மேலும் பலர் பாதிக்கப்பட்டிருக்கலாம் என்றும் சந்தேகிக்கின்றனர்.

வாட்டர்லூ மற்றும் ஜார்ஜ்டவுன் பகுதிகளில் மேற்கொள்ளப்பட்ட சோதனைகளைத் தொடர்ந்து, 24 வயதுடைய பெஞ்சமின் ஹேடன் (Benjamin Haden) என்பவர் கடந்த 2026 மார்ச் மாதம் முதன்முதலாகக் கைது செய்யப்பட்டார். அப்போது, சிறுவர்களைக் கவர்தல் (Child luring) மற்றும் சிறுவர் பாலியல் துஷ்பிரயோகப் பொருட்களை உருவாக்குதல் ஆகிய இரண்டு குற்றச்சாட்டுகள் உட்பட ஆறு குற்றச்சாட்டுகள் அவர் மீது சுமத்தப்பட்டிருந்தன.

இதனைத் தொடர்ந்து, தண்டர் பே பொலிஸ் சேவை (Thunder Bay Police Service) மற்றும் ஹால்டன் பிராந்திய பொலிஸ் சேவை (Halton Regional Police Service) ஆகியவற்றுடன் இணைந்து நடத்தப்பட்ட கூட்டு விசாரணையின் பின்னர், ஹேடன் தற்போது மேலும் 13 கூடுதல் குற்றச்சாட்டுகளுக்கு முகம் கொடுத்துள்ளார்.

பாதிக்கப்பட்டவர்களுடன் தொடர்புகொள்வதற்காக ஹேடன் பல பெயர்கள் மற்றும் போலிப் பெயர்களைப் (Aliases) பயன்படுத்தியதாக பொலிஸார் குற்றம் சாட்டுகின்றனர். அவை பின்வருமாறு:

• பெயர்கள்: பென் (Ben), பெஞ்சி (Benji), ஹரோல்ட் (Harold), ஜேக்கப் (Jacob), பிராட்லி (Bradley), ப்ரெட் (Brett), எம்மா (Emma) மற்றும் கேட்டி (Katie).

• பயனர் பெயர்கள் (Usernames): Haroldkumar2321, Haroldkumar1120, Haroldkumar1121 மற்றும் bradley232114.

உரையாடல்களைத் தொடங்குவதற்காக, பாதிக்கப்பட்ட நபரின் தொலைபேசி எண் பொது இடம் ஒன்றில் எழுதப்பட்டிருந்ததைக் கண்டு பிடித்ததாக அவர் பெரும்பாலும் பொய்யான கூற்றுக்களைக் கூறியுள்ளதாக புலனாய்வாளர்கள் தெரிவிக்கின்றனர். சில சந்தர்ப்பங்களில், பாலியல் சேவைகளுக்குப் பிரதிபலனாக வேப் பாட்கள் (Vape pods), மதுபானம் அல்லது போதைப்பொருட்களை அவர் வழங்க முன்வந்ததாகவும் பொலிஸார் குறிப்பிட்டுள்ளனர்.

ஹேடன் தற்போது ஹால்டன் ஹில்ஸ் (Halton Hills) பகுதியில் வசித்து வருவதாகக் குறிப்பிட்டுள்ள பொலிஸார், அவருடன் தொடர்பு வைத்திருந்தவர்கள் அல்லது இது குறித்து ஏதேனும் தகவல் அறிந்தவர்கள் யாராவது இருந்தால் முன்வந்து தகவல் வழங்குமாறு கேட்டுக்கொண்டுள்ளனர்.

இந்தக் குற்றச்சாட்டுகள் மற்றும் புகார்கள் இன்னும் நீதிமன்றத்தில் நிரூபிக்கப்படவில்லை என்பதுடன், குற்றம் நிரூபிக்கப்படும் வரை குற்றம் சாட்டப்பட்டவர் நிரபராதியாகவே கருதப்படுவார்.