சென்னை:

தமிழக அரசியலில் மிக நீண்ட காலமாக நீடித்து வந்த திமுக-ஐயூஎம்எல் இடையிலான கூட்டணி இன்று அதிகாரப்பூர்வமாக முடிவுக்கு வந்துள்ளது. சென்னையில் நடைபெற்ற கட்சியின் மாநிலக் குழுக் கூட்டத்திற்குப் பிறகு, தேசியத் தலைவர் காதர் மொகிதீன் இந்த அறிவிப்பை வெளியிட்டார். கடந்த சட்டமன்றத் தேர்தலில் திமுக கூட்டணியில் போட்டியிட்டு வெற்றி பெற்ற போதிலும், தேர்தலுக்குப் பின் தவெக ஆட்சிக்கு ஆதரவளித்து வந்த ஐயூஎம்எல், தற்போது தவெக அமைச்சரவையிலும் இணைந்துள்ளது.

செய்தியாளர்களிடம் பேசிய காதர் மொகிதீன், \”கடந்த காலங்களில் திமுக-வுடன் பயணிக்க நாங்கள் கடுமையாக உழைத்தோம். ஆனால் தற்போது தவெக அரசு அமைத்துள்ள சூழலில், அந்த அரசின் அமைச்சரவையில் அங்கம் வகிப்பதால் திமுக கூட்டணியில் தொடர்ந்து பயணிப்பது தர்மத்திற்கு முரணானது. எனவே, கூட்டணியிலிருந்து விலகிக் கொள்கிறோம். அதேசமயம் தவெக ஆட்சிக்கு எங்கள் ஆதரவு என்றும் தொடரும்\” என்று தெரிவித்துள்ளார். தேர்தல் வாக்குறுதிகள் மற்றும் தற்போதைய அரசியல் சூழலைப் பொறுத்தவரை, ஐயூஎம்எல் எடுத்திருக்கும் இந்த முடிவு, தமிழக அரசியலில் ஒரு பெரிய மாற்றமாகப் பார்க்கப்படுகிறது. வரும் அனைத்துத் தேர்தல்களிலும் தவெக-வுடன் இணைந்து செயல்படுவோம் என்று அவர்கள் கூறியிருப்பது, தவெக-வின் கூட்டணி பலத்தை மேலும் வலுப்படுத்தியுள்ளது.

#IUIML #DMK #TVK #Vijay #ThalapathyVijay #KadarMohideen #TvkGovernment #PoliticalShift #TamilNadu #TamilNews #BMNews #PoliticalUpdate #BreakingNewsTN #SofaModelGovernment #Politics2026 #Alliances #PoliticalDrama #TamilNaduPolitics #TamilNaduNews #PoliticalNews #TamilPolitics #AllianceBreakup #VijayGovernment #NewsUpdate #TamilNaduPolitics2026