குழந்தை சுரண்டல் மற்றும் துஷ்பிரயோகக் குற்றச்சாட்டுகள் (Child Exploitation Offences) தொடர்பான விரிவான விசாரணைக்குப் பின்னர், பெண் ஒருவரை போலீஸார் கைது செய்துள்ளனர்.

வான்கூவர் காவல்துறையின் டிஜிட்டல் சான்றுகள் மற்றும் சைபர் குற்றப் பிரிவு (Digital Evidence Cybercrime Unit – DECU) துப்பறியப்பாளர்களால் இந்த அதிரடி நடவடிக்கை மேற்கொள்ளப்பட்டுள்ளது.

ஜெனிபர் ஹூக்ஸ் (Jennifer Hooks) என்ற அந்தப் பெண் தற்போது காவலில் வைக்கப்பட்டுள்ளதுடன், அவர் மீது பின்வரும் பல்வேறு கடுமையான குற்றச்சாட்டுகள் சுமத்தப்பட்டுள்ளன:

• பாலியல் ரீதியிலான சிறுவர்களின் ஆபாசப் படங்களை வைத்திருந்தமை (முதல் நிலை) – 4 குற்றச்சாட்டுகள்

• பாலியல் ரீதியிலான சிறுவர்களின் ஆபாசப் படங்களை வைத்திருந்தமை (இரண்டாம் நிலை) – 2 குற்றச்சாட்டுகள்

• சிறுவர்களைப் பாலியல் சுரண்டலுக்கு உட்படுத்தியமை – 2 குற்றச்சாட்டுகள்

• மறைமுகமாகப் படம் பிடித்தல் அல்லது ரகசியமாகக் கண்காணித்தல் (Voyeurism – முதல் நிலை) – 2 குற்றச்சாட்டுகள்

இணையவழி மற்றும் டிஜிட்டல் குற்றங்களை உன்னிப்பாக விசாரித்து, சமூகத்தில் உள்ள பாதிக்கப்படக்கூடிய சிறுவர்களைப் பாதுகாத்ததற்காக ‘DECU’ துப்பறியப்பாளர்களுக்கு உயர் அதிகாரிகள் பாராட்டு தெரிவித்துள்ளனர்.

அனைத்துக் குற்றவியல் வழக்குகளைப் போலவே, இந்த குற்றச்சாட்டுகளும் முதற்கட்டக் குற்றச்சாட்டுகளே (Allegations) ஆகும். நீதிமன்றத்தில் குற்றம் நிரூபிக்கப்படும் வரை குற்றம் சாட்டப்பட்டவர் நிரபராதியாகவே கருதப்படுவார் என அதிகாரிகள் குறிப்பிட்டுள்ளனர்