சென்னை:
தமிழகச் சட்டமன்றத் தேர்தல் முடிவுகள் வரும் 4-ஆம் தேதி வெளியாக உள்ள நிலையில், தமிழக வெற்றிக் கழகத்தின் தலைமை ஒருங்கிணைப்பாளர் செங்கோட்டையன் ஈரோடு மாவட்டம் கோபிசெட்டிபாளையத்தில் செய்தியாளர்களைச் சந்தித்தார். அப்போது, தேர்தலுக்குப் பிந்தைய கருத்துக்கணிப்புகள் மற்றும் தவெகவின் எதிர்காலத் திட்டங்கள் குறித்து அவர் விரிவாகப் பேசினார்.
“ஒருவேளை தவெகவிற்குப் பெரும்பான்மை கிடைக்காவிட்டால், அதிமுகவுடன் கூட்டணி வைக்கப்படுமா?” என்ற செய்தியாளர்களின் கேள்விக்கு பதிலளித்த செங்கோட்டையன், “பெரும்பான்மை கிடைக்காது என்ற நிலைக்கே இடமில்லை. தவெக 150 முதல் 200 தொகுதிகளில் நிச்சயம் வெற்றி பெறும். இதுவே தமிழக மக்களின் இலக்காகவும் மனநிலையாகவும் இருக்கிறது” எனத் திட்டவட்டமாகத் தெரிவித்தார். மேலும், தான் அண்மையில் பொது இடங்களுக்குச் சென்றபோது மக்களிடம் கண்ட உற்சாகமும், செல்ஃபி எடுக்கத் திரண்ட கூட்டமும் இதுவரையில் தான் கண்டிராத ஒன்று என்றும், இது மிகப்பெரிய ஆட்சி மாற்றத்திற்கான அறிகுறி என்றும் அவர் குறிப்பிட்டார்.
பாஜக மாநிலத் தலைவர் நயினார் நாகேந்திரனின் விமர்சனங்களுக்குப் பதிலடி கொடுத்த அவர், “நயினார் நாகேந்திரனுக்கு இதுதான் கடைசித் தேர்தல்; இதற்குப் பிறகு அவருக்குக் கட்சியில் பதவி இருக்குமா என்பதே சந்தேகம் தான்” என்று சாடினார். இந்தியாவே வியக்கும் வகையில் மே 4-ஆம் தேதி தவெகவின் வரலாற்றுச் சிறப்புமிக்க வெற்றி அமையும் என அவர் நம்பிக்கை தெரிவித்தார்.
#Sengottaiyan #TVK #Vijay #ADMKAlliance #TNElection2026 #ElectionResults #May4 #TamilNaduPolitics #BreakingNews #ThalapathyVijay #NainarNagendran #VictoryConfidence #VoterVerdict #May2 #PoliticalUpdate #VijayForCM #TamilNaduNews #Polls2026 #SuccessStory #MajorityWin_
