னடாவின் வருடாந்த பணவீக்க விகிதம் மார்ச் மாதத்தில் 2.4% ஆக உயர்ந்துள்ளது. கச்சா எண்ணெய் விலை அதிகரிப்பால் எரிபொருள் விலைகள் உயர்ந்ததே இதற்கு முக்கிய காரணமாகும். கடந்த மாதத்துடன் ஒப்பிடுகையில் விலைகள் 0.9% அதிகரித்துள்ளதாக திங்கள்கிழமை வெளியிடப்பட்ட தரவுகள் தெரிவிக்கின்றன.
முன்னதாக கடந்த டிசம்பர் மாதத்திலேயே வருடாந்த பணவீக்க விகிதம் இந்த அளவை எட்டியிருந்தது. அத்துடன், இந்த மாதத்தின் விலை உயர்வு கடந்த 14 மாதங்களில் பதிவான மிக உயர்ந்த மாதாந்த உயர்வு என்று கனடா புள்ளிவிவரத் திணைக்களம் (Statistics Canada) தெரிவித்துள்ளது.
பெப்ரவரி இறுதியில் தொடங்கிய ஈரான் போர், ஹார்முஸ் ஜலசந்தி (Strait of Hormuz) வழியாகச் செல்லும் கச்சா எண்ணெய் விநியோகத்தைத் தடுத்துள்ளது. இது உலகளாவிய எண்ணெய் விநியோகத்தில் ஐந்தில் ஒரு பகுதியை இல்லாமல் ஆக்கியுள்ளது. இதன் விளைவாக எரிபொருள் விலைகள் கடுமையாக உயர்ந்துள்ளதோடு, நுகர்வோரின் வரவு செலவுத் திட்டத்திலும் நெருக்கடியை ஏற்ப(Reuters) செய்தி நிறுவனத்தின் ஆய்வாளர்கள், வருடாந்த பணவீக்கம் 2.6% ஆகவும் மாதாந்த உயர்வு 1.1% ஆகவும் இருக்கும் எனக் கணித்திருந்தனர். எனினும், உண்மையான தரவுகள் கணிப்புகளை விடச் சற்று குறைவாகவே உள்ளன.
கனடாவின் பணவீக்கம் கடந்த ஒரு வருடத்திற்கும் மேலாகக் கட்டுப்பாட்டுக்குள் இருந்ததுடன், கனடா மத்திய வங்கியின் (Bank of Canada) 1% முதல் 3% என்ற இலக்கு வரம்பிற்குள்ளேயே இருந்து வந்தது. பணவீக்க எதிர்பார்ப்புகளின் இந்த குறுகிய கால உயர்வு குறித்துத் தாம் கவலைப்படவில்லை என்று மத்திய வங்கியின் ஆளுநர் டிஃப் மெக்லெம் கடந்த வாரம் தெரிவித்திருந்தார்.
இந்தப் போரின் காரணமாக, மார்ச் மாதத்தில் எரிபொருள் விலைகள் வருடாந்த அடிப்படையில் 5.9% ஆகவும், மாதாந்த அடிப்படையில் 21.2% ஆகவும் அதிரடியாக உயர்ந்துள்ளன. கடந்த 2025 ஏப்ரலில் நீக்கப்பட்ட கார்பன் வரி காரணமாக, கடந்த ஆண்டு இதே காலப்பகுதியில் எரிபொருள் விலைகள் உயர்வாக இருந்ததால், வருடாந்த அடிப்படையிலான பணவீக்க உயர்வு சற்றே மட்டுப்படுத்தப்பட்டதாகத் தெரிகிறது.
