சென்னை
சென்னையில் நடைபெற்ற ‘வெற்றி தமிழ்நாடு 2026’ முதலீட்டாளர்கள் மாநாட்டில், முதலமைச்சர் விஜய் முன்னிலையில் பல்வேறு தொழில் முதலீடுகளுக்கான வரலாற்றுச் சிறப்புமிக்க புரிந்துணர்வு ஒப்பந்தங்கள் கையெழுத்தாகின. இதன்மூலம் 1,06,998 பேருக்குப் புதிய வேலைவாய்ப்புகள் உருவாக்கப்பட உள்ளன.
100 நாட்களில் 1 லட்சம் கோடி முதலீடு:
மாநாட்டில் தொழில்துறை அமைச்சர் கீர்த்தனா பேசியதாவது: “மற்ற மாநிலங்களுடன் ஒப்பிடும்போது, தொழில் முதலீடுகளுக்கான மிகவும் நம்பகமான மாநிலமாகத் தமிழ்நாடு முதலிடத்தில் உள்ளது. இந்த மாநாட்டில் 97 புரிந்துணர்வு ஒப்பந்தங்கள் கையெழுத்தாகியுள்ளன. தவெக அரசு ஆட்சியமைத்த வெறும் 100 நாட்களில் 1 லட்சம் கோடி ரூபாய் முதலீடுகள் ஈர்க்கப்பட்டு சாதனை படைக்கப்பட்டுள்ளது. அதாவது நாளொன்றுக்கு சராசரியாக 1,000 கோடி ரூபாய் என்ற அளவில் முதலீடுகள் வந்துள்ளன.”
2036-க்குள் 1.5 டிரில்லியன் டாலர் இலக்கு:
“முதலமைச்சர் விஜய் அவர்கள் 2036-ஆம் ஆண்டுக்குள் தமிழ்நாட்டை 1.5 அமெரிக்க டிரில்லியன் டாலர் பொருளாதாரம் கொண்ட மாநிலமாக உயர்த்த வேண்டும் என்ற மாபெரும் இலக்கை நிர்ணயித்துள்ளார். தொழில் வளர்ச்சிக்குத் தேவையான அனைத்துக் கட்டமைப்பு வசதிகளும், திறமையான மனித வளமும் தமிழ்நாட்டில் நிறைந்து காணப்படுகின்றன. வேலைவாய்ப்பிற்காக யாரும் தங்கள் சொந்த ஊரை விட்டு வெளியே செல்லக் கூடாது என்பதே எங்களது முதன்மை இலக்காகும்.”
21 நாட்களில் தொழில் அனுமதி:
“தற்போது தொழில் நிறுவனங்களுக்கான அனைத்து சட்டப்பூர்வ அனுமதிகளும் வெறும் 21 நாட்களுக்குள் விரைவாக வழங்கப்பட்டு வருகின்றன. தமிழகத்தின் தொழில் பரிமாணத்தையே இந்த முதலீட்டாளர் மாநாடு புதிய பாதைக்கு மாற்றப் போகிறது. ‘வெற்றி தமிழ்நாடு 2026’ மாநாடு மாநிலத்தின் தொழில் வரலாற்றில் ஒரு முக்கிய மைல்கல்லாக அமையும்,” என்று தொழில்துறை அமைச்சர் கீர்த்தனா பெருமிதத்துடன் கூறினார்.
#MinisterKeerthana #IndustriesMinister #ChiefMinisterVijay #ThalapathyVijay #TVKGovernment #VettriTamilNadu2026 #InvestInTamilNadu #TamilNaduJobs #TamilNaduEconomy #TamilNaduNews #Chennai #ViralNewsTN #TrendingTN #LatestNewsTN #TNNewsUpdates
