சென்னை:
தமிழகத்தையே உலுக்கி வரும் ஜெம் கிரானைட்ஸ் உரிமையாளர் ஆர்.வீரமணி மீதான சிறுமிகள் பாலியல் வன்கொடுமை வழக்கில், அவரது பெண் உதவியாளர் சாந்தி கைதாவதற்கு முன்பு பதிவு செய்த அதிர்ச்சியூட்டும் வீடியோ வாக்குமூலம் தற்போது வெளியாகிப் பெரும் பரபரப்பை ஏற்படுத்தியுள்ளது.
13 வயதில் சீரழித்தார்:
சென்னை மற்றும் பல்வேறு இடங்களில் 10-க்கும் மேற்பட்ட சிறுமிகளைப் பாலியல் வன்கொடுமை செய்த புகாரில் வீரமணி, அவரது பெண் உதவியாளர் சாந்தி மற்றும் அவரது கணவர் மகேந்திர சிம்மன் ஆகியோர் கைது செய்யப்பட்டுச் சிறையில் உள்ளனர். இந்நிலையில், கைதாவதற்கு முன்பு சாந்தி ரகசியமாகப் பதிவு செய்த வீடியோ ஒன்றில் கூறியிருப்பதாவது:
“ஜெம் குரூப் ஆப் கம்பெனிஸ் தலைவர் வீரமணி மற்றும் அவரது மகன் சித்தார்த் வீரமணி ஆகியோரால் எனது உயிருக்குக் கடும் ஆபத்து உள்ளது. வீரமணியை எனது சிறுவயதிலிருந்தே குடும்ப நண்பராகத் தெரியும். நான் 13 வயது சிறுமியாக இருந்தபோது, எனது அறியாமையைப் பயன்படுத்தி அவர் என்னைப் பாலியல் ரீதியாகச் சீரழித்தார். தனது கொடிய எண்ணங்களை மறைத்து, எனக்கு ஒரு ‘காட்பாதர்’ போல என்னை நம்ப வைத்தார். அவரது நிதி நெருக்கடியான காலங்களில் எனது தந்தையின் சொத்து மூலம் எனக்குக் கிடைத்த முழுப் பணத்தையும் அவரிடமே ஒப்படைத்தேன். ஆனால், தற்போது அவராலும் அவரது மகனாலும் எனது உயிருக்கு அச்சுறுத்தல் ஏற்பட்டுள்ளது\” என்று உருக்கமாகத் தெரிவித்துள்ளார்.
பணம் பறிப்பு & 70 கோடி லஞ்சம்:
கைது செய்யப்பட்டுள்ள சாந்தி மற்றும் வீரமணியின் மற்றொரு உதவியாளரான கணேசன் ஆகியோரின் செல்போன்களைப் போலீசார் ஆய்வு செய்ததில், சிறுமிகளுடன் வீரமணி இருக்கும் பல்வேறு ஆபாச வீடியோக்கள் மற்றும் பென் டிரைவ்கள் சிக்கியுள்ளன. இந்தச் சிறுமிகளை வீடியோ எடுத்து, அதன் மூலம் வீரமணியிடம் அவர்கள் கோடிக்கணக்கில் பணம் பறிப்பில் ஈடுபட்டு வந்ததும் விசாரணையில் அம்பலமாகியுள்ளது.
இதற்கிடையே, இந்த வழக்கில் தொடர்புடைய பிரகாஷ் என்பவர் வெளிநாட்டிற்குத் தப்பி ஓடியுள்ள நிலையில், அவரைத் தனிப்படை போலீசார் தீவிரமாகத் தேடி வருகின்றனர். மேலும், கடந்த காலங்களில் இந்த வழக்கை மூடி மறைக்கச் சென்னை காவல்துறையின் சில உயர் அதிகாரிகளுக்கு ரூ.70 கோடி வரை லஞ்சம் கைமாறியதாகக் கூறப்படும் புகார் குறித்தும் போலீசார் தீவிர விசாரணையில் இறங்கியுள்ளனர். தலைமறைவாக உள்ள மற்ற குற்றவாளிகளைக் கைது செய்யவும் போலீஸ் வேட்டை முடுக்கிவிடப்பட்டுள்ளது.
#GemVeeramani #POCSO #ShanthiVideo #ChennaiPolice #SiddharthVeeramani #Bribe #TNPolitics #BmNews #TamilNews #BreakingNewsTN #TamilNaduNews #LatestNews #TamilNewsLive
