நாகப்பட்டினம்:
தமிழகச் சட்டமன்றத் தேர்தல் முடிவுகள் வெளியாக உள்ள நிலையில், தமிழக வெற்றிக் கழகத் தலைவர் விஜய் மேற்கொண்டு வரும் ஆன்மீகச் சுற்றுப்பயணத்தின் ஒரு பகுதியாக இன்று வேளாங்கண்ணி மற்றும் நாகூர் செல்வார் என எதிர்பார்க்கப்பட்ட நிலையில், அவரது வருகை ரத்து செய்யப்பட்டுள்ளது ரசிகர்களிடையே பெரும் ஏமாற்றத்தை ஏற்படுத்தியுள்ளது. ஏற்கனவே திருச்செந்தூர், ராமேஸ்வரம் மற்றும் மதுரையில் வழிபாடு நடத்திய விஜய், இன்று புனித ஆரோக்கிய மாதா பேராலயம் மற்றும் நாகூர் தர்காவிற்கு வருவார் எனத் தகவல்கள் பரவின.
இதனையொட்டி, வேளாங்கண்ணி பேராலயத்தில் இன்று அதிகாலை 3 மணி முதலே ஏராளமான தவெக தொண்டர்களும் ரசிகர்களும் திரண்டனர். “டி.வி.கே., டி.வி.கே.” என உற்சாக முழக்கமிட்டு நீண்ட நேரம் காத்திருந்தனர். ஆனால், கடைசி நேரத்தில் அவரது வருகை ரத்து செய்யப்பட்டதால் பரபரப்பு நிலவியது. நாளை (ஞாயிற்றுக்கிழமை) சென்னை பனையூரில் உள்ள தலைமை அலுவலகத்தில், மே 4-ஆம் தேதி நடைபெறவுள்ள வாக்கு எண்ணிக்கை கண்காணிப்பு பணிகள் குறித்து நிர்வாகிகளுடன் விஜய் முக்கிய ஆலோசனை நடத்த உள்ளதால், இந்தப் பயணத் திட்டம் மாற்றப்பட்டிருக்கலாம் எனக் கூறப்படுகிறது. தேர்தல் முடிவுகளில் தவெகவின் வெற்றி வேண்டி விஜய் நடத்தி வரும் இந்த ஆன்மீகப் பயணம் அரசியல் வட்டாரத்தில் பேசுபொருளாகியுள்ளது.
#Vijay #TVK #Velankanni #NagoreDargah #SpiritualJourney #ThalapathyVijay #TNElection2026 #May4 #ElectionResults #Ngapattinam #TVKThondargal #BreakingNews #TamilNaduPolitics #May2 #WaitingForVijay #VijayFans #PoliticalUpdate #SuccessPrayer #PanaiyurMeeting_
