நியூ பிரன்சுவிக், மொங்க்டனிலுள்ள (Moncton, N.B.) ‘வால்மார்ட்’ (Walmart) கிளை ஒன்று திங்கள்கிழமை இரவு ஏற்பட்ட தீ விபத்தைத் தொடர்ந்து மூடப்பட்டுள்ளது.
பிளாசா வீதி (25 Plaza Blvd) இலக்கத்தில் அமைந்துள்ள இக்கடைக்கு வெளியே மரத் தட்டுகள் (pallets) தீப்பற்றி எரிவதாகக் கிடைத்த தகவலையடுத்து, இரவு 11 மணியளவில் கனடிய அரச கவாத்து பொலிஸார் (RCMP), தீயணைப்பு மற்றும் அவசர ஆம்புலன்ஸ் குழுவினர் சம்பவ இடத்திற்கு விரைந்தனர்.
மர மற்றும் பிளாஸ்டிக் தட்டுகளில் ஏற்பட்ட தீ கட்டிடத்தின் வெளிப்புறப் பகுதியில் சில சேதங்களை ஏற்படுத்தியதுடன், புகை கட்டிடத்தின் உட்பகுதியிலும் பரவியது.
மொங்க்டன் தீயணைப்புத் திணைக்களத்தின் பதில் படைத் தலைவர் (acting platoon chief) டிம் ரொசிட்டர் கூறுகையில், 24 தீயணைப்பு வீரர்கள், ஒரு தீ விபத்து புலனாய்வாளர் மற்றும் ‘NB Power’ மின்சாரக் குழுவினர் சம்பவ இடத்திற்குச் சென்று மீட்புப் பணியில் ஈடுபட்டதாகத் தெரிவித்தார்.
இச்சம்பவத்தில் காயங்கள் எதுவும் ஏற்பட்டதாக அறிவிக்கப்படவில்லை.
கடை உடனடியாக வெளியேற்றப்பட்டதுடன், செவ்வாயக்கிழமையும் மூடப்பட்டுள்ளது.
“உங்களது மொங்க்டன் வெஸ்ட் வால்மார்ட் கிளை மறு அறிவித்தல் வரும் வரை தற்காலிகமாக மூடப்பட்டுள்ளது. இதனால் ஏற்படும் அசௌகரியங்களுக்கு நாங்கள் மன்னிப்புக் கேட்டுக்கொள்வதுடன், இக்காலகட்டத்தில் உங்களின் பொறுமைக்கும் புரிந்துணர்வுக்கும் நன்றி தெரிவித்துக் கொள்கிறோம்,” என்று ‘வால்மார்ட் கனடா’ (வெஸ்ட் மொங்க்டன்) தனது சமூக ஊடகப் பதிவில் தெரிவித்துள்ளது.
