தைப்பொருள் குற்றச்சாட்டு தொடர்பாக ஹோமாகம பொலிஸாரால் கைது செய்யப்பட்டு தடுப்புக் காவலில் வைக்கப்பட்டிருந்த சந்தேகநபர் ஒருவர் வைத்தியசாலையில் அனுமதிக்கப்பட்ட நிலையில் உயிரிழந்த சம்பவமொன்று பதிவாகியுள்ளது.
இவ்வாறு உயிரிழந்தவர் கிரிவத்துடுவை பகுதியைச் சேர்ந்த 29 வயதுடைய இரண்டு பிள்ளைகளின் தந்தையான இஷார ஹர்ஷ குமார என்பவர் ஆவார்.
பொலிஸாரின் கடும் தாக்குதல் காரணமாகவே சந்தேகநபர் உயிரிழந்துள்ளதாக உயிரிழந்தவரின் உறவினர்கள் குற்றம் சுமத்துகின்றனர்.
நேற்றுக் காலை சந்தேகநபரைப் பார்வையிடுவதற்காக உறவினர்கள் பொலிஸ் நிலையத்திற்குச் சென்ற போது, பொலிஸார் அவரைத் தாக்கியுள்ளமை தொடர்பான தகவல்கள் வெளியாகியுள்ளன.
பின்னர் உறவினர்களின் தீவிர கோரிக்கைக்கு அமைவாக சந்தேகநபரை ஹோமாகம ஆதார வைத்தியசாலையில் அனுமதிக்க பொலிஸ் உத்தியோகத்தர்கள் நடவடிக்கை எடுத்த போதிலும், அதற்கு முன்னரே அவர் உயிரிழந்திருந்ததாக உறவினர்கள் தீவிரமாகக் குற்றம் சுமத்துகின்றனர்.
இச்சம்பவம் தொடர்பில் ஹோமாகம நீதவான் நீதிமன்றத்தின் மூலம் பிரேத பரிசோதனை நடத்துவதற்கு தற்போது ஏற்பாடுகள் செய்யப்பட்டுள்ளன.
இது தவிர, இச்சம்பவம் குறித்து விரிவான விசாரணைகளை முன்னெடுப்பதற்காக ஹோமாகம உதவிப் பொலிஸ் அத்தியட்சகரின் தலைமையில் விசேட ஆரம்பக்கட்ட விசாரணைகளும் ஆரம்பமாகியுள்ளதாக தெரிவிக்கப்படுகின்றது.
