ஒன்டாரியோ அரசாங்கத்தின் தீயணைப்பு மானியம் (Fire Protection Grant) மூலம் வழங்கப்பட்ட $230,230 முதலீட்டின் உதவியுடன், பிராம்ப்டன் நகரம் தீயணைப்பு வீரர்களின் உடல்நலம் மற்றும் பாதுகாப்பை மேலும் உறுதிப்படுத்தியுள்ளதாக செய்தி வெளியிடப்பட்டிருக்கின்றது.
இந்த முதலீட்டை முன்னிறுத்துவதற்காக கிராஹம் மெக்ரெகர், மேயர் பேட்ரிக் ப்ரவுன் மற்றும் நகர சபை உறுப்பினர்களுடன் இணைந்தார். இந்த முதலீடு தீயிலிருந்து பாதுகாப்பை மேம்படுத்துவதோடு, பிராம்ப்டன் சமூகத்தையும் பாதுகாக்க உதவுகிறது என்பதோடு இந்த நிதி உதவியின் மூலம் பிராம்ப்டன் நகர தீயணைப்பு மற்றும் அவசர சேவைகள் (Brampton Fire and Emergency Services) அமைப்பு புற்றுநோய் தடுப்பு நடவடிக்கைகளை விரிவுபடுத்தும் என்பதும் குறிப்பிடத்தக்கது.
இந்த முதலீட்டின் மூலம் நகரம் கீழ்க்கண்ட புதிய உபகரணங்கள் மற்றும் அடிப்படை வசதிகளை அறிமுகப்படுத்துகிறது:
புதிய SCBA washer units மற்றும் bunker gear washers, தீயணைப்பு சம்பவங்களுக்குப் பிறகு பாதுகாப்பு உபகரணங்களை முழுமையாக சுத்தம் செய்ய உதவும் வகையில் தனித்துவமான நீர் ஹீட்டர்கள் மற்றும் குழாய் (plumbing) இணைப்புகள் நிறுவுதல்
இந்த மேம்பாடுகள் தீயணைப்பு வீரர்களை பாதுகாக்க உதவுவதோடு, நமது சமூகத்தின் மொத்த பாதுகாப்பையும் மேலும் வலுப்படுத்துகின்றன என பிராம்ப்டன் நகர சபை தெரிவித்திருக்கின்றது.
